Фотографот Алекс Робсјук посетил неколку села во романскиот округ Марамуреш, во Трансилванските Алпи. Во оваа зафрлена област сместени се стотина помали села, чии жители живеат со забавено темпо. Тие одбиваат да ги прифатат современата технологија и индустрија и во секојдневниот живот се служат со наједноставни средства.

Робсјук ги посети марамурешките села Барсана, Страмтура и Бреб, каде ги фотографираше локалните жители на кои, поради фактот дека имаат многу мал, речиси никаков допир со модерната технологија, необично и чудно им беше дури и самото фотографирање.

Тие своеволно се останати верни на традицијата која датира уште од нивните претци кои во средновековието ги основале овие заедници и села, па одбиваат да имаат било каква поврзаност со технолошкиот напредок и модерните технолошки средства.

„Портретите ги покажуваат луѓето во различни ситуации и на различни места, правејќи вообичаени работи: работат, слават, размислуваат, се надеваат – како и сите што правиме денес. Но, она што ги издвојува од модерните општества е фактот дека тие не се опкружени со современа технологија, па не се навикнати и да бидат фотографирани. Нивните изрази на лицата кои ги имаат на фотографиите се целосно природни, без никакво позирање, бидејќи не сакаат да се прикажат поразлични од она што навистина се. Нивните изрази на портретите ја прикажуваат комплексноста на една личност во нејзината едноставност“, вели Алекс.

Студиото „Дениел Маршал Архитектс“ дизјанираше куќа со модерен ентериер на островот Вајхеке, кој се наоѓа во заливот Вајкопуа на 11 километри од новозеландскиот град Окленд.

Куќата наречена „Вајкопуа Хаус“ е изградена врз основа на моделот на групно семејно кампување, кој обебзедува повеќе функционални простории и нејзино целосно интегрирање во прекрасното природно опкружување.

Вилата има големи панорамски прозорци од подот до таванот, што овозможува влез на природна светлина и водено визуелно поврзување на ентериерот со опкружувањето.

Ѕидовите се изградени од камен кој потекнува од околината, а дрвените елементи во куќата се премачкани со црна боја со што на градбата и е даден современ тренд.

На овој начин е креиран еден модерен дом со перфектно уреден тревник, преку кој куќата се отвора кон морската шир.

На падините на италијанските Алпи, во близина на преминот Пасо дел Каваљо во провинцијата Бреша, е изградена викендичката „Алпс Вила“.

Големите панорамски прозорци со рамки од дрво и бакар на куќата пружаат преубав поглед кон долината од едната и кон врвовите на Алпите од другата страна. Вилата е дело на италијанскито архитект Ботичини, кој се обидел да направи идеален баланс меѓу хармонијата и тензиите кои постојат меѓу самата градба и околниот предел.

Куќата делумно вградена во ридот со што се создава илузија дека таа е дел од него. Таа делува како да е во примарен однос со пејсажот, без дополнителни вештачки елементи. Панелите од брановит бакар и обработено дрво, дополнително придонесуваат за подобра интеграција на вилата во нејзиното опкружување.

Пат од текстурни метални скалила води до стрмниот асфалтен пат, кој минува крај имотот на кој се наоѓа векендичката. На почетокт на скалилата крај патот има затворена структура изработена од оксидирано железо и дрво, која наликува на порта.

Стаклениот влез на вилата на другиот крај на скалилата е заштитен со големи прозорци и тераса, која изгледа како да виси пред градбата.

Ентериерот на куќата е поделен на три секции, кои претставуваат засебни целини. Во првата секција се сместени дневниот престој и трепезаријата, во втората кујната и ходникот, а во третата има три спални соби со бањи.

Продавница во шведскиот град Викен работи 24 часа дневно, а во неа нема ниту еден вработен, вклучително и на каса, бидејќи и неа ја нема. Како? Читајте надолу.

Возејќи се среде ноќ по улиците од гратчето Викен и барајќи продавница во која ќе може да купи храна за своето расплакано бебе (бидејќи единствената тегличка со храна која ја имале за таа вечер им паднала на под и се скршила), IT експертот Роберт Илијасон дошол на интересна, прогресивна и револуционерна идеја – отворање на маркет во кој ќе се продаваат најосновните намирници и продукти, а кој ќе работи 24 часа дневно и во кој ќе нема продавачи, касиерки и сличен персонал. Всушност, ќе нема никаков човечки персонал.

Во неговиот роден град, како и во сите други помали градови ширум светот, малите колонијали ги затворија своите врати при налетот на големите маркети и трговски центри, па жителите своите основни намирници кои си ги купуваа во маалските продавници, сега се принудени да ги набавуваат одејќи со автомобил до големите маркети.

Благодарение на неговата прогресивна идеја, во Викен за тоа веќе нема потреба, бидејќи од минатиот месец неговиот дуќан е достапен за сите жители, 24/7, а притоа Роберт нема никакви трошоци за вработени во истиот. Имено, во продавницата можат да влезат само луѓе кои претходно ја имаат симнато апликацијата од истата, а во која мора да ги внесат своите основни лични податоци како и бројот на нивната платежна картичка. Купените намирници не се наплаќаат на каса, туку преку мобилна трансакција, при која корисниците на апликацијата ги скенираат производите со апликацијата и на крајот од месецот добиваат сметка која треба да ја платат. Единствена човечка интервенција во оваа продавница е моментот кога треба да се наполнат полиците со производи, кога ќе се потрошат претходните залихи. А сето тоа Роберт го прави сам, бидејќи нема потреба од помош.

Прашањето за безбедноста

Секако, нормално е да се постави ова прашање. Работите во тој поглед стојат вака. Во случај вратата од продавницата да стои отворена повеќе од осум секунди или во случај на провала и кражба, Роберт автоматски добива предупредувачка СМС порака, а бидејќи живее во непосредна близина, може одма да тркне да види за што станува збор, или по потреба да повика полиција.

Илијасон верува дека неговиот дуќан нема да биде нешто многу привлечен за разбојници, бидејќи освен што во него нема пари во кеш, монтирани се и безбедносни камери за снимање на продавницата, а не се продаваат ниту лекарства, цигари и алкохол (кои би биле мотив за грабеж), туку само основни и секојдневни продукти како леб, млеко, храна за бебиња, пелени и слично.

Како најголем проблем Роберт го гледа повозрасното население кое може да има проблеми со користење на смартфон технологијата, поради што размислува за вработување на еден човек кој во продавницата ќе минува неколку часа дневно, за да им помогне на повозрасните жители при користење на апликацијата и купување преку телефон.

Во првите два месеци Роберт немаше проблеми со управувањето на продавницата, а во изјава за Associated Press рече дека планира слични продавници да отвори и во другите помали градови и села, бидејќи смета дека на тоа никој претходно не се сетил.

Галерија во Чикаго дојде до сосема необична идеја на љубителите на уметноста да го доближи творештвото на познатиот сликар Винсент Ван Гог.

Пред премиерно излагање на трите верзии на познатата слика на која Ван Гог ја насликал својата спална соба во Арле во јужна Франција, галеријата во Чигако им понуди на заинтересираните ноќевање токму во таква соба.

Оваа слика Ван Гог ја насликал откако си го отсекол увото.

Една група уметници направи реплика на собата на Ван Гог, а Арт Институтот во Чикаго нуди можност за ноќевање во таа соба по пат на сервис за изнајмување на недвижности Аирбнб.

– Во оваа соба ќе се чувствувате како да живеете во сликата,  пишува во огласот.

Куќата се наоѓа во Медеглиа, Швајцарија и е креирана за да одговара на кодексот на локалните градби, според кои секоја куќа има темно сиви и остри покриви за полесно да се интегрираат во пејзажот.

Целата куќа е дизајнирана со темно сива фасада, од камени порцелански плочки. Четвртиот носечки ѕид е свртен кон југ и е покриен со стакло.

Фасадата на јужната страна е дизајнирана со празнина која во себе содржи отворена и накосена тераса.

Мартина Бисаз секој викенд патува низ Швајцарија и со фото апаратот ги бележи сите убавини на оваа земја. Своите фотографии таа ги објавува на Инстаграм.

Која е првата асоцијација што ја имате кога ќе се спомене Швајцарија? Швајцарското сирење, чоколадото, швајцарските часовници?

Швајцарија е многу стабилна и економски силна земја, позната како симбол на „совршенства“, складот, хармонијата и уреденоста на државата. На пример, во случај во оваа земја во текот на ноќта да падне обилен снег, жителите можат да очекуваат тој да биде исчистен веќе до осум часот утрината.

Или пак. автомобилите во Швајцарија секогаш изгледаат како нови, а причината се казните кои им се закануваат на возачите доколку во што пократок рок не го поправат својот автомобил, па макар станувало збор и за обична гребнатинка.

Што се иднесува до јавниотг превоз, во Швајцарија патникот со еден билет може да мине низ цела земја со различни возила – автобус, воз, брод, жичарница.

А кога станува збор за природните убавини, Швајцарија и тука има коњ за трка.