Компанијата „Doolittles“ создаде совршена органска форма на конструкција на куќа, која одлично се камуфлира во своето природно опкружување и поради убавиот стил заслужува да биде осветлена со рефлектори и истакната во некои огромен изложбен хангар.

Куќата претставува нешто што сигурно до сега не е видено дури и во најфантастичните филмови. Направена е од ребраста структура на кафез, вешто скриена во камен на простор од десет хектари и е во сопственост на брачната уметничка двојка Беверли и Џеј и сопственик на студиото  „Doolittles“.

Изградбата на куќата почнала во 1988 година, а официјално е завршена во 1993 година,  За изградбата се користени бетонски челик, стакло и бакар. Конструкцијата има 26 столбови кои излегуваат од покривот и наликуваат на големи крила. Формата на антена дава ребраст изглед.

Стаклената колиба се наоѓа на 2.500 метри надморска висина на планината Доломити во Италија. Колибата со стаклени ѕидови и таван е поставена на големи скии.

Стаклената колиба има удобен кревет и грејачи, додека претстојот во неа вклучува вечера и доручек. До колибата се стигнува со моторни санки.

Семејството Карен нема ни телевизор, ни столови, а својот животен простор го организира во духот на вежбањето и рекреацијата, кои во нивниот дом заземаат најмногу место.

Мајкл, Кејт и нивните деца Роан и Фин животниот простор во својот дом го ставија во функција на вежбањето и гимнастиката. Во една просторија им се сите кревети и она малку облека и играчки кои им се неопходни, а остатокот од домот го претворија во гимнастичка сала.

„Повеќето луѓе мора да одат до теретана за да вежбаат, но јас повеќе сакам физичката активност да биде мој начин на живот“, вели Кети, биомеханичар и автор на книга за усогласување на работата и рекреацијата.

Ќе се запрашате како изгледа еден ден целосно поминат во физичка активност? Тато Мајкл ги скрати ногарките од кујнската маса, за сите да клечат додека јадат. Садовите се распоредени во ниски ормари, па секој што ќе сака да си земе некој сад кој му е потребен ќе треба да клекнува секогаш кога ќе зема нешто. Сите спијат во иста соба и тоа на ниски легла сместени на дрвени палети, што бара поголем напор за станување и легнување.

Кети ваквиот начин на живот го осмисли поучена од своето тренерско искуство од колеџ. Нејзините штитеници имале болки во колената, колковите и грбот, веројатно бидејќи им недостигала физичка активност. „Како што не можете да станете здрав од една изедена салата, ако цел живот живеете јадете слатки, така ни еден тренинг не може да помогне ако постојано седите“, објаснува таа.

Доброто држење на телото за неа е многу важно, па поради тоа ходникот им е поплочен со речни камења, бидејќи сè почнува од стапалата, на кои им е потребно да ја почувствуваат подлогата и да ги придвижат сите зглобови. Затоа сите одат боси, а тоа го прават дури и надвор, кога има услови за такво нешто.

Во дворот имаат големи скали развлечени меѓу дрвата, за качувањето да го направат понапорно. Поставија и греда, јаже за нишање и уште едно за балансирање. „Кога сакам да разговарам со сопругот или децата, тоа го правиме додека вежбаме“, вели Кети.

За гостите во нивниот дом имаат поставено дрвена клупа и прозорски седишта, како и масиче за кафе. Но, два-три пати неделно семејството Карен се менуваат со комишиите во готвење заеднички оброци. Така децата се дружат и социјализираат, а родителите имаа слободен ден за себе.

На карпестите терени на шпанската покраина Гранада, студиото GilBartolomé Arquitectos изгради куќа во која се измешани стилови од различните епохи и архитектонски традиции на Шпанија.

Куќата е изградена во една карпа од каде се пружа прекрасен поглед кон Средозменото Море. Со целата нејзина форма, куќата креира нова естетика сместена меѓу природното и вештачкото.

Брановидниот покрив на куќата се надополнува на аморфните прозоски отвори, со што во комбинација со металните скали, градбата наликува на лик човек, кој може да оживее во секој момент и да изникне од карпата.

Покривот е изработен од плочки од цинк поставени на метална рамка, на што се надоврзуваат големите стаклените прозорци на горниот кат, каде се сместени спалните соби.

Големите стаклени прозорци се среќаваат и на долниот кат, каде се семстени просториите за дневен престој, на кој се надоврзува голема тераса.

Со вметнувањето на куќата во карпата се овозможува одржување на температурата во внатрешноста на околку 20 степени Целзиусиви, а на тој начин воедно е добиена структура која потсетува на старите медитерански пештерски живеалишта.

Како резултат на сето ова добиена е една типична шпанска, но во исто време и авангардна и несекојдневна градба, која прекрасно се вклопува во околниот пејзаж.

Студиото Baharash Architecture ги објави плановите за својот дизајн за најзеленото еко одморалиште на светот, кое ќе биде изградено во Обединети Арапски Емирати.

Сместен во Ливи, јужниот регион на ОАЕ, резерватот е само еден од многуте слични проекти, кои оваа еко компанија ќе ги реализира во следните неколку години. Оваа оаза ќе биде готова до 2020 година.

На покривот во облик на ѕвезда ќе бидат вградени соларни панели, кои ќе го снабдуваат одморалиштето од 14.586 метри квадратни со електрична енергија.

Водата ќе се црпи директно од длабокиот бунар, а ќе има и дополнителни еколошки мерки за третирање на отпадните води на самото место и нивно рециклирање и користење за наводнување на земјиштето, нула емисии на штетни гасови по животната средина и изградба на систем за автоматско решавање на проблемот со сметот.

Во еко резерватот ќе има 84 меѓусебно поврзани апартмани, кои ќе имаат поглед кон изворот и неговата оаза.