Местото се наоѓа во близина на градот Лагоа, „пештерата со отворен покрив“ се вика Алгар де Бенагил и е популарна туристичка дестинација затоа што личи како парче од рајот донесено на Земјата.

Бардсеј порано бил центар на моќ и едно од најсветите места во Велика Британија, а денес е дом на само четворица жители кои на островот живеат без електрична енергија, автомобили и тоалети.

Популацијата на островот ја сочинуваат 200 сиви фоки, 300 овци и само четворица луѓе кои го посетуваат овој остров во текот на годината. На островот Бардсеј односот на луѓето и овците е поголем дури и од Нов Зеланд.

Телефонскиот сигнал, ако можете да го фатите, доаѓа од Ирска, која се наоѓа на 88 километри западно преку Ирското Море.

Меѓутоа, со години на назад овој мал остров не бил зафрлено и заборавено место, туку бил супериорен во однос на копното. Овој мал остров, со површина нешто помала од 2 квадратни километри, во текот на историјата било фасцинантно место, пишува Би-Би-Си.

Сместен на 3,1 километар од источниот брег на Велс, во округот Лин Пенинсула, Бардсеј денес е познат како остров со 20.000 светци, кои ја претставуваат најголемата популација на островот која почива на него.

Многу легенди велат дека Бардсеј било свето место на келтските друиди, како и дека кралот Артур бил погребан токму на овој остров. Во шестиот век, кралевите на велшкиот округ Лун и Сент Кадфан почнале да градат манастир на ова место. Потоа дошле до одлична идеја, секој кој ќе умре на овој остров, нема да оди во пеколот.

Веќе до средниот век, Бардсеј станал едно од најсветите места во Британија, а многумина кога станувале свесни дека им се ближи крајот, на сите начини се обидувале да дојдат до овој остров.

Заедно со верската дошла и политичката важност, бидејќи моќниците на островот сфатиле колку Бардсеј е важен за верниците. Набрзо биле изградени и првите значајни институции, а како што поминувало времето, почнале да се градат и образовни институции.

Доказите за населеноста на островот се од 7.500 година пред Новата ера. Археолозите нашле траги од 45 праисториски населби на островот, вклучувајќи и примитивни оружја, погреби и земјени работи, кои можеби ги опкружувале куќите.

Потоа дошле свештениците. Островот наскоро станал познат и како британски Рим, а три п осети на Бардсеј вределе како една посета на Рим.

Откако островот практично бил прогласен за свет, со години телата на умрените се закопувале на островот. Се претпоставува дека на островот со површина од само 1,79 квадратни километри има над 20.000 закопани луѓе.

Четворицата преостанати жители на островот често се шегуваат дека не смеат да копаат никаде на островот од страв дека би можеле да ископаат некој костур. Се случува поради лошите временски прилики, дождови и силни ветрови, жителите да мора да поминат на островот и по неколку недели, но признаваат дека мирот, тишината и прекинот на комуникациите со светот, од време на време им годи и дека својот живот на островот не би го менувале.

„Бардсеј е место на едноставност и далеку е од 21 век‟ – вели Ричард Фармер, претседател на Bardsey Island Trust, кој го купил островот во 1979 година.

Ова веројатно претставува предизвик за сите кои живеат тука, на оттуѓениот остров. Но тоа исто така го прави и спектакуларно место, кое мора да го посетите, бидејќи Бардсеј е свето место каде се сретнуваат мирот, тишината и природната убавина.

 Планинската колиба со необична кула се наоѓа на Алјаска. Првично куќата била изградена како планинска колиба со димензии 13 на 13 метри, за подоцна да се претвори во осумкатна градба.

Куќата кула е висока речиси 57 метри. Конструкцијата на ниво на подрум има скриен тунел за вонредни ситуации што води до сигурна соба.

Несекојдневниот дом е неверојатно стабилен, а во исто време изгледа нереално, магично и невозможно за изведување.

Сопственикот на куќата планира на врвот од кулата да постави телескоп и радио станица.

Постојат милион причини да го посетите Рио де Женеиро во Бразил, вклучувајќи ги боженствените плажи, убавата храна и одличниот ноќен живот. Но Педра де Гавеа нуди единствено чувство.

Педра де Гавеа се издига на 844 метри над Атлантскиот Океан, а се наоѓа во националниот парк Тижук, голема пространа тропска прашума.

Кој ќе се искачи на оваа планина, од нејзиниот врв може да ја види величенствена панорама на самиот парк, океанот и градот.

Искачувањето трае три часа, а заштита против сонце, храната и водата се задолжителни.

Наградата следува во вид на спектакуларни фотографии чии содржини во живо се подеднакво застрашувачки, па не е чудно што оваа туристичка атракција е една од омилените места на адреналинските зависници.

– Тоа што е прикажано на фотографиите не е илузија. Морате да бидете многу внимателни, изјави Хулијана Оливиера.

Куќата на Том Гонзалес крие една голема тајна. На прв поглед, домот изгледа сосема обично, а неговата околина е прекрасна и идиличина. Но, постои нешто целосно необично кое се крие под паркираните автомобили во дворот.

Гонзалес не е личност која работи за скромна плата. Тој е интернет милионер, а кога започна со изградба на семејната куќа на езерото Тахо, му требаше доволно пространа гаража во која ќе може да ја смести дел од својата колекција од 400 автомобили, пренесува Little Things.

Имено, тој изгради голема подземна гаража која ќе ја задоволи оваа негова потреба. Кога автомобилот го паркира на влезот, тој веднаш се спушта во гаражата. Оттука му потекнува и терминот „магично исчезнување во гаражата“.

Подземната гаража собира 30 автомобили и десетина мотоцикли. Просторот навистина изгледа како нешто од стилот на животот на богатите и славните. Но, интересно е што гаражата е целосно невидлива. Камуфлирана е со карпи, растенија и дрва, па никој никогаш не би погодил што се крие под куќата.