Маж и жена во продавница. Мажот става во количката шише ракија. Жената веднаш почнува да му зборува:
– Секоја недела си купуваш по едно шише ракија. Нема ли некаков друг начин да го намалиш стресот?
Мажот:
– Може да пробаме – секс кога јас ќе побарам, колку ќе побарам, целосна програма, каква и да посакам. Важи ли?
Пауза… Жената зема уште едно шише ракија и го става во количката…
Виц: Секс – лек против стрес
Виц: Срцка, ај свари ми кафе
Седат дома сопругата и сопругот, па таа му вели:
– Срцка, ај свари ми кафе.
– Ајде бе, маче. Какво сакаш да биде?
– Пааа…да биде јако, ама и слатко. Да ме размрда, ама и да ме расположи, во душава песна да ми запее, да ми ги отвори очите, ама да ми го развесели и срцево…
– А, да ти турам јас тебе срцка една ракија?
Виц: На исповед
Оди еден маж кај селскиот поп да се исповеда.
– Оче згрешив… најсрамниот грев го направив!
– Кажи чедо – Бог е милостив ќе ти прости…
– Не можам оче срам ми е!
– Да не е со Митра на воденичарот?
– Не оче – голем грев – ми изгоре душата…
– Да не е со Јана – на грнчарот жена му?
– Не оче … Ќе се варам цела вечност во Казан… Лелеее !!!
– Да не е со снаата на даскалот Трајан?
– Не оче, прости ми не можам – не можам да кажам…
И си тргнал. На излегување од црквата се сретнал со свој сосед и соседот го прашува:
– O, Пејо, брат…што ти наваму? За каква работа си тука?
– Ништо комшија, за адреси и имиња дојдов…
Виц: Докажи дека ме сакаш
Си прават муабет дечко и девојка, па типката му вели:
– Кажи ми, ме сакаш ли?
– Најмногу на свет!
– Докажи ми!
– Како?
– Бори се со тигар и лав заради мене.
– Нормална ли си ти?! Ќе ме расчеречат за пет секунди!
– Тогаш дај ми го пасвордот од твојот Фејсбук профил.
…
– Кај се бе тоа лавот и тигарот, да им ја расплачам мамицата…
Виц: Муабет за брак
Си прават две другарки муабет „уз“ кафе:
– Овој мојов дечко, после пет години врска конечно ми направи муабет за брак.
– Опа!! Ајде, кажи што ти рече?
– Копилето ми кажа дека е женет осум години и има две деца.
Македонија во 1863 година – колекција фотографии од Јозеф Секели
Импресивните историски фотографии со огромно значење за сведоштвата од минатото за нашата земја се дело на виенскиот фотограф Јозеф Секели.
Охридско езеро, комплекс Свети Наум
Направени се во текот на 1863 година, за време на Австро-Унгарската експедиција во Македонија, Северна Албанија и Косово, водена од Јохан Георг фон Хан.
Битола, формација на отоманските воени трупи
Битола, поглед од југ
Вардар низ демиркаписка клисура
Ромски музичари
Манастирот во село Калишта, Охридско езеро
Охрид
Прилеп и Маркови Кули
Дебар
„Од Крушево е, а домашно е“ – саем на традиционални крушевски производи
Овој викенд, 30-31 јули, во Крушево, се одржа настанот „Крушево е поубаво пеш….кога ве водат домаќините“, во организација на Институтот за економско истражување и политики Finance Think.
Овој настан промовира нови прошетки и искуства кои ве носат во скриените тајни на Крушево, ви овозможуваат да бидете „собирач“ на тревки и шумски плодови, да дознаете како се одгледува аронија и да ѕирнете во мистичноста на црквите и влашката традиција.
За време на прошетките можеби ќе ја имате и најубавата закуска во крушевската корија, или пита која сами сте ја меселе со домаќинките во влашката куќа.
Ова не се обични прошетки. Ова се авантури водени од жените на Крушево. Преку посета на турите ја поддржувате мисијата на Здружението „КРУШЕВСКА ЖЕНА“со цел да се подобри животниот стандард на жените и да се зголеми вклученоста и родовата еднаквост преку јакнење на нивните капацитети, поттикнување женско претприемништво и негување на традиционалните вредности.
Под слоганот „Домашно е од Крушево е“ денес се одржа саем на традиционални крушевски производи. Од 10 до 12 часот имаше изложување, дегустација, продажба на традиционални производи
Вистински рај на земјата: Палаван – еден од најубавите острови на светот
Тешко е да се поверува дека Филипините не се топ туристичка дестинација во светот, а имаат толку многу да понудат. Ова место со своите острови поседува неизмерно богатство од природни убавини, а како едно од најпрекрасните локација може да се издвои островот Палаван.
Поезија за едни легенди: „Трубадури“ – Сашо Гигов Гиш, посветена на Тефо и Крле
Тефо или, поточно, Тефик Абдула, стана легенда уште за неговиот живот, со неговиот омилен инструмент примот. Уште пославна е неговата песна која и ден-денес се пее “Нели ти стига мојата младост”, која стана химна и која им е при срце на сите мераклии на доброто друштво и забавата, пишува Данило Коцевски
ТРУБАДУРИ
(Сашо Гигов Гиш)
На Крле и Тефо како последен поздрав
„Откога те млада заљубив, бујна младост по теб’ изгубив“…
Едниот имаше гитара наместо душа
Другиот знаеше земјата дур плаче да ја слуша
Едниот умееше да остане на уште по тура
Другиот го беше нагрбил животот ко поскура
Обајцата затвораа кафеани, обајцата на светов сами
Едниот пееше „Малагењаса роса“
Додека другиот пијан дома го носат
Двајцата заедно низ тага и радост
со „Нели ти стига мојата младост“
Обајцата животот за бакшиш го оставаа
Обајцата животот на бакшиш го даваа
Обајцата барабар низ болка и радост
со „Нели ти стига мојата младост“
Двајцата затвораа кафеани, двајцата на светот сами
и двајцата си отидоа си отидоа барабар
го ставија Скопје на некои млади нови трубадури
на нови џумбушлии на нови бакшиш-тури
И ако некогаш излегувајќи од „Јоле“
загледани в небо, Ѕвездите ви се сторат
пијани од вселенска радост
тоа сигурно Крле и Тефо на небото
ја свират „Нели ти стига мојата младост“
„Пред да изумрат“: Фасцинантни фотографии од последните живи племиња на Земјата
Фотографот Џими Нелсон последните три години од својот живот ги посвети во истражување на најоддалечените места на планетата Земја, фотографирајќи импресивни фотографии од последните живи племиња на планетата од кои останувате без зборови.
Иако неговиот труд и работа беа со најдобри намери, тие се најдоа на мета на жестоки критики поради контроверзните сцени кои се најдоа на некои фотографии од овие племиња кои природно изумираат и геноцидното насилство на кое се подложени, а кое се најде на фотографиите.
Помалку среќните приказни кои ги пренесуваат неговите фотографии се од луѓе кои се борат да преживеат среде економски опседнатото „прогресивно“ општество. Еве дел од фотографиите кои интегрално се поместени во книгата со наслов Before They Pass Away („Пред да изумрат“), кои ја прикажуваат драмата и емоцијата на човечката незадржлива волја за разубавување.
Племето Асаро – Индонезија и Папуа Нова Гвинеја
Кинеското рибарско племе – Гуанџи, Кина
Племето Масаи – Кенија и Танзанија
Племето Ненетс – Сибир, Јамал
Племето Короваи – Индонезија и Папуа Нова Гвинеја
Племето Јали – Индонезија и Папуа Нова Гвинеја
Племето Каро – Етиопија
Племето Хуаорани – Аргентина и Еквадор
Племето Вануату – островот Рах Лава, провинција Торба
Племето Ладаки – Индија
Племето Мурси – Етиопија
Племето Рабари – Индија
Племето Самбуру – Кенија и Танзанија
Племето Мустанг – Непал
Племето Маори – Нов Зеланд
Племето Горока – Индонезија и Папуа Нова Гвинеја
Племето Хули – Индонезија и Папуа Нова Гвинеја
Племето Химба – Намибија
Племето Казак – Монголија