„Ве молиме, господине Дрво, поместете се и не го блокирајте сообраќајот“, биле зборовите од полицајците кои му ги упатиле на типот кој, маскиран како дрво, го попречувал сообраќајот во центарот на американскиот град Портланд.

Откако „дрвото“ не ја послушало молбата од полицијата, тие биле принудени да го приведат „истото“. Против „дрвото“ е поднесена прекршочна пријава за попречување на сообраќајот, а не е јасно која му била целта на типот така преправен во дрво да прави проблеми во текот на сообраќајот.

Негов пријател изјави дека наводно на тој начин сакал да го анализира однесувањето на луѓето во сообраќајот.

Кога Кристофер Демпси одлучил да донира половина од својот црн дроб за непозната жена, не можел ниту да замисли дека таа одлука ќе му го промени животот и во каков правец ќе го одведе.

Бившиот американски маринец, во моментот кога се одлучил да го спаси животот на непозната личност, не можел ни да сонува дека токму таа личност еден ден ќе му стане сопруга.

Нивната љубовна приказна започнува кога Демпси случајно го наслушнал разговорот на Хедер Кругер за време на една пауза на работа во едно место јужно од Чикаго.

Хедер била во четврт стадиум од болест на црниот дроб. Со болеста се борела две години, а лекарите ја известиле дека има мали шанси да ги преживее наредните два месеци доколку не најде донор, пренесува ВВС.

Нејзиното семејство се борело и тркало со времето за да најде донор, што е исклучително тешко во САД бидејќи таму речиси 120.000 годишно чекаат за донор на црн дроб. Демпси го чул разговорот од Хедер и одлучил да се запознаат и да ја понуди својата помош.

Откако прегледите и тестовите покажаа дека нивните крвни компоненти се совпаѓаат, операцијата била закажана за февруари, 2015 година, а тие двајца до операцијата поминале доста време дружејќи се заедно. И двајцата биле нервозни и преплашени, но во исто време почнале да си се допаѓаат еден на друг.

Осум месеци после успешната трансплантација, Демпси ја побарал за сопруга Хедер, се венчаа и денес имаат среќен и здрав брачен живот.

„Ниту во најлудите соништа не би помислил дека ќе се венчам со целосно непозната личност на која одлучив да ѝ го спасам животот“, изјави Демпси.

Авганистанката со продорен поглед и зелени очи која светот ја запозна преку фотографијата од Стив МекКари која тој ја направи за National Geographic, Шарбат Гула, беше уапсена од полициските сили во Пакистан со обвинение дека го фалсификувала својот идентитет.

Федералната Истражна Агенција (FIA) во Пешавар ја уапси Гула во средата, после двегодишна истрага за неа и нејзиниот сопруг, со обвинение за поседување на лажна лична карта.

Шарбат Гула аплицирала за пакистанска лична карта во април, 2014, користејќи го името Шарбат Биби. Многу Авганистанци користат лажни имиња за да добијат пакистански лични карти, што е ригорозно казниво со закон. Ако биде осудена, Гула се соочува со казна од седум до четиринаесет години затвор и парична казна од 3.000 до 5.000 долари.

Ликот на Гула стана масовно препознатлив преку списанието National Geographic, каде беше објавена иконичната фотографија од Стив МекКари која тој ја фотографираше во 1984 година. Во тој период Гула беше 12-годишно девојче кое живееше во камп за бегалци во Пешавар, после инвазијата на СССР врз Авганистан.

МекКари подоцна се обиде да ја пронајде неа и успеа во тоа. По 17-годишна долга потрага, ја најде во едно авганистанско село и ја посети во 2002 година, каде таа живееше со нејзиниот сопруг пекар и трите ќерки.

Дени МекАскил е веќе докажан акробат со велосипедот кој прави такви вратоломни потези и потфати од кои буквално ќе ви се сврти во главата. Овој пат се опушти со бајкерски лудоори уживајќи во селската идила.

Инспириран од холандскиот уметник М.С. Ешер кој математичките идеи ги комбинираше со разни уметнички изрази и форми (1898-1972), шпанскиот филмски уметник Кристобал Вила направи краток филм кој е своевидна пофалба на делото од овој Ешер.