Илкај Гундоган не пристигна како спектакуларно засилување во Сити, а многумина беа скептични после тешката повреда која ја имаше во Борусија Дортмунд.

Сепак, германскиот репрезентативец во целост ја оправда довербата на Пеп Гвардиола, па во последно време му се оддолжува со фантастични партии.

Така беше и синоќа кога Гундоган со своите два гола ја сруши големата Барселона и стана херој на навивачите од „Етихад“.

Гундоган од почетокот на сезоната има постигнато 5 погодоци, а интересно е дека во Германија за пет години постигна само 10 гола, што значи Гвардиола го унапредил тој сегмент во неговата игра.

Сега станува интересна ситуацијата во самиот град Манчестер, каде Пол Погба се врати на голема врата како најскапо засилување во историјата на фудбалот, но до сега не ги оправда очекувањата.

Интересно е дека Гундоган го чинеше Сити колку што беше платена провизијата за Погба. Имено, менаџерот на Погба само како провизија зеде 27 милиони евра, а исто толку „граѓаните“ платија за Германецот.

Ерик Баи се покажа како големо засилување за тимот на Жозе Мурињо, но Португалецот веќе е во потрага по уште еден стопер кој ќе може да биде негов партнер.

Крис Смолиг е далеку од својата најдобра форма, Блинд не брилјира на таа позиција, па поради тоа Мурињо да го одврзе кесето и да донесе врвен стопер, а тоа би можел да биде Хосе Марија Хименез.

Младиот Уругваец испадна од првиот тим во Атлетико Мадрид, бидејќи Симеоне е задоволен од тандемот Годин-Савиќ, па веќе почна да се шпекулира дека Хименез би можел да ја промени средината.

Неговата откупна клаузула изнесува 62 милиони евра, а Мурињо е спремен да ги плати тие пари и да направи тандем на иднината Хименез-Баи.

Милан веќе размислува за засилувања за следната сезона, а прв на листата е ѕвездата на Ајакс, 20-годишниот играч за врска, Рајхедли Бзур.

Како што пренесуваат холандските медиуми двете страни се во поодминати преговори, а трансферот би требало да изнесува 22 милиони евра.

„Во постојан контакт сме со директорите на Милан и можам да кажам дека преговорите се веќе од поодамна започнати“, изјави за „Телеграф“ агентот на Базур.

Овој фудбалер во Холандија го споредуваат со Патрик Виеира, бидејќи по стилот на игра премногу наликува на славниот Французин, кој своевремено беше член и на Милан.

За Базур инетрес покажуваат многу европски гиганти како Барселона, Манчестер Сити, Арсенал и Борусија Дортмунд, но Милан е најконкретен.

Базур игра одлично во дресот на Ајакс, а минатата година дебитираше и за холандската репрезентација.

Арсенал се намачи во Софија против Лудогорец и на крајот победи со 3:2, а херој на „топџиите“ и овој пат беше Месут Озил.

Германецот со неверојатна минијатура легна на земја тројца противнички фудбалери во 88-та минута и му донесе победа на Арсенал од 3:2. Погледнете!

Медиумите од Шпанија и Англија пренесуваат дека Лео Меси и еден играч на Манчестер Сити си поделиле навредливи зборови во тунелот кон соблекувалните.

Фрустриран од првиот пораз во дуелите со „граѓаните“, Лео Меси имал мала конфротација со играч на Манчестер Сити.

Во тунелот кон соблекувалните некој од таборот на домаќините му дофрлил нешто на Аргентинецот, кој одговорил со збровите „Идиот, дојди и покажи го лицето“.

Како што пишува „Мундо Депортиво“ Меси дури сакал да се пробие до соблекувалната на Манчестер Сити и физички да се пресмета со играчот, но го смирил неговиот пријател Кун Агуеро.

Аргентинецот ретко на ваков начин ја искажува нервозата, што е сигнал дека поразот навистина тешко му паднал.