Добредојдовте во уште едно продолжение на серијалот „Од Русија со љубов“ – секси поздрави од бујни руски убавици.
Овој пат изборот падна на Соња Темникова – природно бујна убавица чии облини ги вознемируваат машките погледи.
Од 10 до 19 ноември јубилејно 15-то издание на CINEDAYS – еве ја комплетната програма
Во периодот од 10 до 19 ноември 2016 година, во организација на Младинскиот културен центар ќе се одржи петнаесеттото, јубилејно издание на МЕЃУНАРОДНИОТ ФЕСТИВАЛ НА ЕВРОПСКИ ФИЛМ – CINEDAYS, кој и оваа година како и сите претходни, ќе се обиде да го задоволи истенчениот вкус на својата многубројна и верна публика… Го чекаат цела година, го снемува за десет дена… Гладни за „здрави“ филмови.
„CINEDAYS No. 15 понира во добата на работ од преминот од „нормалната патологија“ во „патолошка нормалност“, а дребноста ми, и потаму не сопира да се фасцинира од севселенскиот успех на феноменот „реални шоуа“, „талент емисии“ и „познати“, единствено ете, поради фактот што се „познати“.
Што е поразлично?
По повеќе од век, век и половина, кога на „напредниот демократски Запад“ се продавале влезници за влез во установи за згрижување на ментално пореметени индивидуи со цел„“народот да се забавува“ гледајќи „лудаци“ како и „претставите“ на кои од најразлични краишта на планетава се прикажувале индивидуи со сериозни физички недостатоци „луѓе-фрикови“ – денес, што е поразлично во денешните „претстави?“
Елајте на CINEDAYS, откажете им на вашите ФБ, ТВ, и ДА, наместо в меана, и/или „кафанче“ како милувате да го крстите, не бидете „ин“, „кул“, „тренди“…, бидете поразлични, бидете бар десетина дни… не тревожете се, бидете спокојни, нема кој да ве поткаже и оддаде оти на CINEDAYS сите до еден се неактуелни и немаат никакви врски и познанства со „кафанските шизици и шизики“! – вели Златко Стевковски, директор на МКЦ.
Годинешниот CINEDAYS нуди филмови што „гравитираат“ во неколку програмски целини: Официјална селекција, CineBalkan, Гала програма, Музички документарци, LGBT филмови, МК-Кратки филмови, МК во ЕУ, Студентска програма, 101 година од раѓање на Орсон Велс, Детска програма и богата придружна програма од работилници и музички настани.
ГАЛА програмата и оваа година изобилува со врвни режисерски имиња и наградувани филмови на фестивалите во Кан, Сан Себастијан, Венеција, Берлин, Ротердам… Од вкупно 25 филмови во ГАЛА програматa ги издвојуваме: АВЕ, ЦЕЗАР! – Режија: Coen Brothers, КАФЕ- ДРУШТВО – Режија: Woody Allen, ПАТУВАЊЕ НА ВРЕМЕТО: ЖИВОТНО ПАТУВАЊЕ – Режија: Terrence Malick , УБАВИТЕ ДЕНОВИ ВО АРАНХУЕЗ – Режија: Wim Wenders, МАТУРА – Режија: Cristian Mungiu, PATERSON – Режија: Jim Jarmusch, КОМУНА – Режија: Thomas Vinterberg, ЈАС, ДАНИЕЛ БЛЕЈК – Режија: Ken Loach, СОЛ И ОГАН – Режија: Werner Herzog.
ОФИЦИЈАЛНАТА СЕЛЕКЦИЈА и програмата CINEBALKAN, традиционално ги препуштаме на изборот на Бернд Будер, кој и оваа година понуди извонредна селекција на филмови. По завршувањето на филмските проекции од овие две програмски целини, ќе следат Q&A сесии на кои публиката ќе има можност да разговара со режисери, продуценти, директори на фотографија, актери, кои ќе бидат гости – на наша огромна чест – на овогодишното издание на фестивалот CINEDAYS.
Во рамките на ОФИЦИЈАЛНАТА СЕЛЕКЦИЈА ќе може да се погледнат филмовите:
• Жив песок – Режија: Renars Vimba
• Галопирачки ум – Режија: Wim Vandekeybus
• Куќа без покрив – Режија: Soleen Yusef
• Влажност – Режија: Nikola Ljuca
• Убијци на тркала – Режија: Attila Till
• Птичка – Режија: Vladimir Bek
• Кривина – Режија: Rifqi Assaf
• Тони Ердман – Режија: Maren Ade
Во рамките на програмата CINEBALKAN се селектирани следните филмови:
• Добра сопруга – Режија: Mirjana Karanovic
• Сите градови на Северот – Режија: Dane Komljen
• Жалејка – Режија: Eliza Petkova
• Игла под прагот – Режија: Ivan Marinovic
• Лошиот мачор – Режија: Mehmet Kurtulus
• Не ми зјапај во чинијата – Режија: Hana Jusic
Поради исклучително богатата програма од МУЗИЧКИ ДОКУМЕНТАРНИ ФИЛМОВИ и КОНЦЕРТИ, оваа година целата програма со музички карактер ја „спакувавме“ во посебна програмска целина со наслов: CinEmusic. Филмската селекција ја сочинуваат девет филмови, кои ќе ги задоволат и најпрефинетите вкусови на филмските, но и музичките сладокусци:
• Miles Ahead – режија: Don Cheadle
• The Beatles: Eight Days a Week – The Touring Years – режија: Ron Howard
• Contemporary Color – режија: Bill Ross IV, Turner Ross
• Gimme Danger – режија: Jim Jarmusch
• Blur: New World Towers – режија: Sam Wrench
• Congo beat the drum – режија: Ariel Tagar
• Limunovo drvo – режија: Branko Radaković
• Industrial Soundtrack for the Urban Decay – режија: Travis Collins, Amélie Ravalec
• A Fat Wreck – режија: Shaun Colon
Како дел од програмата CinEmusic, секоја вечер по завршувањето на филмските проекции ќе организираме придружна музичка програма од концерти и DJ-сетови. На програмата ќе бидат: Оливер Белопета, Mnemonic 45 & Obohtal, Anthony Rother, Давид Ангелески – Пиколомини, Russian Circles и Helen Money, Еми Ермилова, Новиот Почеток, Jherek Bischoff, Кантон 6 и Wrangler.
За затворање на фестивалот ЕКСКЛУЗИВЕН настап ќе има музичкото дуо WOODEN WISDOM во кое членува и холивудската супер ѕвезда ELIJAH WOOD.
Во соработка со Шведската амбасада во Скопје – воедно и во активистичкиот дух на фестивалот – ќе реализираме и филмска програма со LGBT тематика, преку чии содржини ќе се обидеме да отвориме дебата (со гостите активисти/режисери од Шведска и европскиот регион) за проблемите со кои се соочуваат овие општествено маргинализирани групи.
ПРИДРУЖНАТА ПРОГРАМА, оваа година на CINEDAYS ќе содржи:
• НАГРАДА ЗА НАЈДОБРА ФИЛМСКА КРИТИКА, со која ќе ги охрабриме студентите по новинарство, студентите по филм, и воопшто, сите критички настроени филмски ентузијасти да напишат рецензии за филмовите што ги проследиле на фестивалот, за што ќе следува и награда доделена од специјално жири.
• РАБОТИЛНИЦАТА ЗА ПРОДУКЦИСКИ ДИЗАЈН; За време на трите дена во Скопје, Сара Холдрен и Лора Бишоп ќе ги опфатат најосновните и неопходни елементи потребни за да се започне да се работи во професионален сектор за продукциски дизајн.
Ќе дадат важен увид во тоа како се организира продукцискиот дизајн и каков е соодносот до другите сектори во филмската и телевизиската продукција. Разгледувајќи вистински сценарија, со учесниците ќе дискутираат како да направат план за распоред на потребите на сетот и потоа ќе ги запознаат со процесот на распоредување средства за буџетирање. Ќе им покажат примери на буџети и ќе разговараат како да изработат табеларни пресметки, кои продукцијата очекува да бидат изработени од страна на уметничкиот сектор.
• Раѓањето на големиот филмски маг ОРСОН ВЕЛС (1915 г.) е само по себе доволен јубилеј за одбележување на 101 година создавање (100 години за филмскиот гениј каков што е самиот тој би биле премногу „типични“). Кога се работи за одбележување на еден ваков врвен интелектуалец, режисер, актер, писател, магионичар, либерал, сликар и поет, дури и со кратко навраќање на само дел од неговото креативно богатство можеме да видиме многу. Реализацијата на оваа програма се одвива во потесна соработка со Американската Амбасада во Македонија, со чија помош се надеваме дека ќе успееме да донесеме филмски експерти и критичари, кои би зборувале за животот и делото на оваа филмска легенда, сѐ со цел да го доближиме неговото универзално уметничко значење до македонската публика.
• Работилница на Агенција за филм, Oдбрани алатки за драматургија, Арне Колвајер.
– Презентација на потпрограмата МЕДИА на Креативна Европа.
– Мастерклас на Арне Колвајер: „Oдбрани алатки за драматургија: Градење на внатрешниот живот на ликот”, во соработка со Мидпоинт, Агенција за филм на РМ и Канцеларијата на Креативна Европа за потпрограмата МЕДИА. Откривањето на сложените внатрешни емоции на ликот е една од најтешките задачи со кои се соочува еден филмски работник. Арне Колвајер зборува за потребата надворешно да се изрази внатрешното уште во фазата на пишување на сценариото и дава примери како да се искористат дејства и слики наместо дијалози за да се прикаже што се случува внатре во еден лик.
Оваа година цената на билет за проекциите во Кино Милениум ќе биде 150 денари, со исклучок на филмот на Вуди Ален „Кафе – Друштво“, за кој билетот ќе чини 300 денари. За проекциите во Кино Фросина билетот ќе чини 100 денари, а филомовите од програмата во Џебно кино, Ревија Орсон Велс, Ревија ЛГБТ и Детска програма, ќе бидат бесплатни. И годинава средношколците и студентите ќе имаат попуст од 50 денари за секој купен билет.
Прво место за студентите од ФЕИТ на балканскиот натпревар за LabVIEW
Студентската екипа на Факултетот за електротехника и информациски технологии во Скопје оствари најдобар екипен резултат на балканскиот натпревар по LabVIEW, кој се одржа во Загреб, Хрватска. Македонскиот тим го сочинуваа студентите Мино Тодоров, Стефан Аговски и Андреј Станковски, под менторство на професорите Живко Коколански и Бодан Велковски.
„Еден ваков натпревар Ве принудува да искористите сé што сте научиле и виделе до тој момент. Сепак, кога ќе почне натпреварот, откривате нешто ново. Нови начини на кои може да го решите проблемот под притисок на времето кое истекува. Резултатите говорат за нашата посветеност како екипа. Јас освоив второ место, а како екипа сме најуспешни на натпреварот. Тоа е одлично доколку се земе в предвид дека имаше натпреварувачи од 8 универзитети од Балканот. Многу сум задоволен што и покрај многуте обврски успеавме да најдеме време и успешно да се кооридинираме некако, заедно да споделиме она што знаеме и успешно да се подготвиме за натпреварот“, вели Мино Тодоров, во име на добитниците.
На натпреварот учествуваа 21 студенти од универзитети од Словенија, Хрватска, Босна и Херцеговина, Србија и од Македонија. Македонската екипа, во јуни годинава, се сертифицираа со Certified LabVIEW Associated Developer – CLAD диплома. Овој успех на македонската екипа е повторување на минатогодишниот успех на истиот натпревар кој тогаш се одржа во Белград.
„Секоја година учествуваме на меѓународниот натпревар по LabVIEW со тим студенти од ФЕИТ. Ова не е наш прв успех, напротив, она што ме прави посебно задоволен се континуираните резултати кои ги постигнуваме. Минатата година, исто така, бевме најдобри во екипна конкуренција и имавме и второ место во поединечна конкуренција. Покрај квалитетот на нашите студенти, тоа секако се должи и на посветеноста на LabVIEW академијата на ФЕИТ, која само во последните три години успеа да сертифицира 20 студенти со интернационално призната CLAD диплома. Секоја година сме се по мотивирани. Ние професорите од ФЕИТ имаме привилегија да работиме со одлични студенти кои докажуваат дека можат да се носат со најдобрите“, изјави професор д-р Живко Коколански.
Факултетот за електротехника и информациски технологии, наредната година, ќе биде домаќин на натпреварот по LABVIEW, по предлог на претставникот на National Instruments за Источна Европа, Андреј Дрозг и едногласното прифаќање од страна на сите ментори од другите држави.
„ФЕИТ како високо-образовна институција, која соработува со факултетите во Македонија, остварува сериозна соработка со многу факултети од светот. Чест ни е што наредната година ќе бидеме домаќини на овој значаен настан, кој ја става Македонија на картата успешни држави и во оваа сфера“, вели деканот на ФЕИТ, професор д-р Димитар Ташковски.
Уметноста на редењето дрва за огрев – испаѓаат вистински уметнички дела
Не дека по секоја цена го поддржуваме греењето на дрва, а со тоа во голема мера и веројатното непланско уништување на шумските богатства, но сепак, овие слики се потврда дека и уметност може да се создаде и кога го складирате зимскиот огревен материјал.
Спој на природен материјал и модерен дизајн – дрвена куќа на норвешкиот брег
Дизјанерскиото студио „Асант Архитекчр енд Дизајн“ проектираше куќа на северниот брег на Норвешка, во која главен елемент е дрвото, кое доминира како во нејзината структура, така и во внатрешниот декор.
Куќата е изградена од темно дрво во типичен скандинавски стил, кој содржи многу традиоцонални елеметни, и е структурирана за да може целосно и совршено да се вклопи во нејзиното опкружување.
Сопствениците на куќата барале од архитектите таа да биде во апсолутна хармонија со природното опкружување, но во исто време и да претставува современ дом.
Фасадата е изработена со јапонска текника на горење на дрвото, со која се потребни многу малку средства за нејзино одржување и заштита од ветерот и дождот, кои се карактеристични за тој дел на Норвешка. Покривот на куќата е прекриен со трева, со што целата градба е „камуфлирана“ и целосно се вклопува во околниот пејзаж.
Во куќата доминира дневаната соба со големи прозорци, од која се излегува на тераса што се протега до самото Северно Море и од неа може слободно да се лови риба или да се оди на капење во морската вода. Спалната соба е на ниво на мезанин, кој е сместен веднаш над пространата кујна.
Ентериерот на куќата е во целосна хармонија со надворешниот декор, што се отсликува и во фактот што внатрешните ѕидови се обложени со дрво, а и е во мебелот доминираат дрвените елементи во комбинација со светли и маринско сини бои.
На помалку од една седмица пред избори Хилари повторно во тесно водство пред Трамп
На шест дена од одржувањето на претседателските избори во САД, најновите анкети покажуваат дека кандидатката на демократите Хилари Клинтон повторно е во водство, иако тесно, пред републиканскиот ривал Доналд Трамп.
Според анкетата на весникот Њујорк Тајмс и телевизијата Си Би Ес во која на 28 октомври учествувале 1.333 регистрирани гласачи, Клинтон води за три проценти, притоа со можност за грешка од плус/минус три отсто.
Исто така и истражувањето на Вашингтон пост и телевизијата Еј Би Си покажува дека Клинтон води за два проценти пред Трамп.
Анкетата е спровдена на 29 октомври на 1.767 потенцијални гласачи, а можноста з агрешка е три проценти.
Исповед на „Октомајката“: „Снимав порничи, но не судете ми пред да ја чуете мојата приказна“
Надја Сулеман, која се прослави во светот на шоубизнисот и светските медиуми откако во 2009 година роди „осумка“, вели дека уште не може да им побегне на медиумите и дека нејзиното минато сега ги прогонува и нејзините деца.
Надја, која денес го користи псевдонимот Натали, вели дека повеќе не сака да биде позната како Октомама, пренесува Yahoo. „Го отфрлив тоа Октомама. Се вратив на мојот живот како советничка. Моите деца имаат здрав и среќен живот. Но, проблемот е во тоа што нас уште не следи тој период од моето минато, бидејќи луѓето никогаш не дознаа што тогаш направив. Никогаш не ја знаеја точната вистина“, вели Надја, која во меѓувреме сними и порно филм, работеше како стриптизерка, позираше за списанија и издаде сингл.
И денес луѓето ја викаат Октомама и сакаат да се сликаат со неа, но таа денес има веќе разработена рутина со која пристојно ги одбива таквите понуди.
„Им велам дека не сум веќе Октомама. Фала многу, ама денес сум само мама. Не го работам тоа повеќе“, вели Надја.
Пред да ја роди детската осумка, Надја веќе имаше шест деца и се мачеше како да ги прехрани сите. Кога потоа придојде и осумчлената принова, мора да се потпре на помошта од другите. Сулеман признава дека се срамела да побара помош, па на крајот почнала да се „продава“ самата себе.
Денес 41-годишната мајка на 14 деца има разбирање и за оние кои своевремено ја осудуваа. „Верувам дека осудата беше оправдана, бидејќи што друго можат да си помислат луѓето? Медиумите ги хранеа со негативна перспектива“, вели Надја.
Сепак, признава дека за поголемиот дел од своето минато е самата виновна, бидејќи се одлучила на повеќе деца со вештачко оплодување.
„Ја преземам одговорноста што бев глупава и неодговорна. Нагласувам дека сум одговорна за своите лоши избори, како и дека никогаш не сум сакала да бидам терет на даночниот сектор од државата“, истакнува Надја.
Иако и денес прима делумна социјална помош од државата, таа има стабилна работа и се надева дека таквата ситуација е само привремена. „Воопшто не се гордеам со тоа“. Сепак, истанува дека се гордее што успеала да ја надмине зависноста од таблети за смирување. На крајот, од сето тоа несакано внимание тврди дека извлекла вредна лекција.
„Не можете однапред да ги осудувате луѓето. Без оглед на тоа кои се и што прават и што сте чуле за нив. Морате да ги запознаете, да разговарате со нив, па тогаш да донесете личен суд за нив“, вели Сулеман.
Откриено со кого Меси се „фатил за гуша“ на „Етихад“
Дерби пресметката меѓу Манчестер Сити и Барселона заврши со немил инцидент во соблекувалната во кој беше инволвиран Лионел Меси и еден член на домашниот тим.
Влијателните шпански медиуми открија кое било второто лице кое всушност ја испровоцирало цела ситауција во подтрибинскиот простор. Вчера наутро беше обелоденето дека Меси му се обратил на провокаторот со зборовите „глупаку, дојди тука и во лице кажи ми што имаш да кажеш“, а сега пристигна информациајта дека Аргентинецот не се замерил со фудбалер на Сити, туку со првиот помошник на Пеп Гвардиола.
Како што пренесуваат „Ла Секста“ и „Кадена Копе“, Микел Артета бил човекот кој го испровоцирал Меси на пат кон соблекувалните, порачувајќи му на аргентинскиот фудбалер да не го чека судијата Касаи за да се буни за одредени одлуки.
„Ајде глупаку, тргнувај и оди во твојата соблекувална“, довикнал Артета, а ситуацијата е дополнително интересна поради тоа што поранешниот капитен на Арсенал и сегашен асистент на Гвардиола, својата играчка кариера ја започна во Барселона.
Инаку, тензичната конверзација ексклузивно ја откри новинарката на „Ла Секста“, Сузана Гуаш, која единствена имала акредитација за следење на случувањата во подтрибинскиот простор и која добро ја разбрала конверзацијата бидејќи била на шпански јазик.
Убеден во својата победа: Трамп веќе спрема претседателска победничка забава во Hilton Midtown
Изборниот штаб на републиканскиот кандидат Доналд Трамп е уверен во победа на претседателските избори во САД и веќе испратиле покани за победничка забава.
Забавата во чест на победата на Трамп ќе се одржи во њујоршкиот хотел Hilton Midtown.
Во поканата се вели дека забавата ќе биде одржана ноќта на изборите 8 ноември. Повикани се само „пријатели и оние кои ги поддржуваа Трамп-Пенс (Мајк Пенс, кандидат за потпретседател).
Сашо Мијалков на распит во Кривичен за „Трезор“ – СЈО бара мерки на претпазливост
Поранешниот шеф на Управата за безбедност и разузнавање, Сашо Мијалков пристигна во Кривичниот суд на распит за случајот Трезор на Специјалното јавно обвинителство. Мијалков во судот влезе од задниот влез на зградата. Околу Кривичниот суд има и силно полициско обезбедување бидејќи во тек е и рочиштето за случајот Диво Насеље.
Една од мерките на претпазливост кои СЈО ги бара за осомничените во случајот Трезор, меѓу кои е и поранешниот директор на УБК Сашо Мијалков е одземање на пасошите.
Како што неофицијално се дознава од Судот, истите мерки се побарани и за другите двајца обвинети Тони Јакимовски и Небојша Стајковиќ кои исто така треба да се појават на распит во кривичниот суд за овој предмет на СЈО.
За Горан Грујовски, оваа мерка била побарана претходно, но таа е одбиена.
На 7 октомври судијата на претходна постапка во Основниот суд Скопје 1 Скопје донесе решение со кое наложи да се запре извршувањето на финансиските трансакции на сметките на правното лице ДТУ Финзи ДООЕЛ Скопје, по барање на СЈО за донесување привремена мерка забрана за користење и располагање со трансакциска сметка на правното лице во случајот Трезор.
Инаку во судот и натаму трае распитот на екс шефот на разузнавањето Мијалков, кој напладне пристигна во придружба на неговиот адвокат Никола Додевски кој воено е бранител и на целото раководство на ВМРО ДПМНЕ. Во судот влезе преку службениот влез.