Четири иницијативи за формирање на Локални акциски групи креирани во согласност со EU LEADER пристапот ќе бидат денеска промовирани во рамки на проектот на УСАИД за адаптација на земјоделството кон климатските промени.

Овие приватни – јавни партнерства опфаќаат партнери од јавниот, приватниот и граѓанскиот сектор во 17 општини од Источниот и Југоисточниот регион.

Обраќања на настанот ќе имаат Директорот на мисијата на УСАИД во Македонија Џејмс Стајн, Директорот на Проектот на УСАИД за адаптација на земјоделството кон климатските промени Петар Ѓоргиевски, претставници на Источниот и Југоисточниот плански регион и четирите иницијативи за локални акциски групи.

Проектот на УСАИД за адаптација на земјоделството кон климатските промени спроведуван од Мрежата за рурален развој на Република Македонија работи на промоција на EU LEADER пристапот како една од новите мерки кои ќе се презентираат во ИПАРД II програмата за периодот 2014-2020.

Препознавајќи ја потребата за промоција на EU LEADER методологијата кај чинителите во руралните средини, Мрежата за рурален развој спроведе сеопфатна програма за градење на капацитетите во согласност со карактеристиките на EU LEADER пристапот, кај руралните актери во Источниот и Југоисточниот плански регион. Активностите беа имплементирани во 21 општина во овие региони, вклучувајќи претставници на јавниот, граѓанскиот и бизнис секторот. Како крајна фаза во овој процес, беа иницирани локални акциски групи Беласица – Огражден, Бојмија, Плачковица, Брегалница и Малеш – Пијанец.

Lear Corporation денес отвори нова фабрика за автомобилска кожа и платно во Тетово, Македонија, за производство на навлаки за автомобилски седишта и сродни производи.

Новоизградената фабрика ќе ја замени времената локација што Lear ја најави во мај, 2015 година и што на почетокот обезбеди работни места за околу 300 лица, наменета за сечење и шиење на кожа и платно.

На свеченото отворање на Lear говорници беа македонскиот министер за странски инвестиции Веле Самак и министерот за економија Дритон Кучи.Фабриката има врвна машинерија и производни капацитети за сечење кожа и платно, магацин и канцелариски простории, на приближно 12.000 квадратни метри, со простор за потенцијално проширување од дополнителни 8.000 квадратни метри.

Како светски лидер за седишта за луксузни возила и возила со високи перформанси, Lear постојано се проширува, ставајќи акцент на понудата на квалитет и на нашата континуирана традиција на одлична оперативна ефикасност, успех во отпочнување со работа кој е водечки во индустријата и стручно и вешто изработени дизајни на тапацир, рече Џенин Хенли, заменик-претседател на Lear за глобален дизајн на тапацир и високи занаетчиски вредности.

Нашиот тим од целиот свет се гордее со нашите глобални капацитети за опслужување на нашите клиенти во секој поголем регион и се радуваме на можноста за нашиот нов тим во Македонија да биде дел од нашиот континуиран успех. Би сакале да им се заблагодариме на сите кои работеа со нас во нашиот напредок во оваа фаза на работењето, додаде тој.

Во дополнение на тоа што нуди навлаки за седишта и сродни производи за автомобили од светска класа, Lear Тетово ќе даде придонес за локалниот регион во контекст на вработување и најмување на искусни професионалци за шиење како и лица кои неодамна го завршиле образованието во локалните образовни институции, рече Свен Дам, Заменик претседател на Lear за работа на тапацир за Европа и Африка.

Производите на Lear кои се од светска класа се дизајнирани, проектирани и произведени од разновиден тим кој брои околу 140 000 вработени, распределени во 36 земји. Lear во моментов е рангиран на 154-тото место од листата на Fortune 500. Седиштето на Lear е во Саутфилд, Мичиген, САД.

Националната агенција за европски образовни програми и мобилност денеска во просториите на агенцијата за подршка на претприемништвото ЕСА во Тетово ја претстави програмата Еразмус плус 2014-2020 со која се обезбедува поддршка во образованието,  младите и спортот.

Програмата претставува комбинација од седум европски програми, програми за обука и млади и за првпат во својата структура го додава спортот, а цели кон зголемување на знаењето и професионалните способности. Активноста во Тетово беше спроведена во соработка со Стопанската комора на Северозападна Македонија.

Оперативниот менаџер од Стопанската комора на северозападна Македонија  Дрилон Исени, рече дека на презентацијата присутвувале претставници од компаниите што се членови на комората и дека идејата е да им се објасни за овие инструменти што се нудат од страна на Европската унија за професионална надградба.

Сметаме дека човечкиот кадар е најважниот елемент за развој на компаниите и преку овие инструменти што ги нуди Агенцијата нивните сегашни и идни вработени може да стекнат познавања и искуство како тоа се работи во странство и тоа да го применат кога ќе се вратат назад со што ја заголемуваат конкурентноста на компанијата и на македонскиот и на светскиот пазар, изјави Исени.

Според информациите од националната агенција за европски образовни програми и мобилност Еразмус плус ќе има голем придонес за наградба на институционалните капацитети како и личен и професионален развој на сите чинители во полето на бизнисот. Во рамките на програмата се предвидува меѓународна размена на студенти и волонтери, намалување на нивото на невработеност и развој на социјалниот капитал.