Менаџерот на Арсенал, Арсен Венгер е сериозно заинтересиран за ангажман на централниот дефанзивец на Атлетико Мадрид, Хозе Гименез.

Гименез оваа сезона го загуби местото во стартниот тим бидејќи Диего Симеоне повеќе му верува на тандемот Годин – Савиќ, па многу европски гиганти се интересираат за младиот Уругваец.

Медиумите од Шпанија пренесуваат дека „топчиите“ ќе мора да подготват 60 милиони евра за 21-годишниот фудбалер, за кого се интересира и менаџерот на Манчестер јунајтед, Жозе Мурињо.

Договорот на Гименез со „јорганџиите“ истекува во 2018 година, а неговата откупна клаузула изнесува точно 60 милиони евра.

Медиумите на Островот се сигурни дека следното лето многу европски гиганти ќе се „тепаат“ за неговиот потпис, а најсериозни кандидати се секако Манчестер Јунајтед и Арсенал.

Нејамр е познат по тоа што често знае да ги посрамоти противниците со својот богат репертоар на фудбалски трикови, но на натпреварот против Севиља се избламира.

Имено, Бразилецот изведе катастрофално лош потег кој стана хит на социјалните мрежи и кој ги насмеа сите. Погледнете!

Челзи игра фантастично оваа сезона и до самиот крај ќе се бори за титулата во Премиер лигата, а менаџерот Антонио Конте веќе прави список на зимски засилувања.

Цеск Фабрегас не е во плановите на италијанскиот страгег, па веќе бара негова замена, а медиумите открија дека Конте сака да донесе двајцата фудбалери на „Стенфорд Бриџ“ во јануари.

Првиот е хрватскиот репрезентативец Марсело Брозовиќ кој беше мета на „сините“ уште во летниот преоден рок. Хрватот имаше тежок период во Интер од почетокот на сезоната, па се очекува „нероаѕурите“ да го продадат доколку пристигне добра понуда.

Другата желба е Хавиер Пасторе од ПСЖ. Аргентинскиот плејмејкер е желба на Конте уште од времето кога работеше во Јувентус, и смета дека ќе му донесе додатна креативност во средниот ред.

Челзи изгледа застрашувачки оваа сезона, а со овие две засилувања сигурно ќе биде главен кандидат за титулата во Премиер лигата.

Вест Хем не игра добро оваа сезона, а се чини дека екипата на Славен Билиќ ќе биде во уште поголеми проблеми во јануари.

Имено, првата ѕвезда на тимот, Димитри Паје најави дека би можел да го промени клубот и тоа во зимскиот преоден рок.

Паје брилјираше на Европското првенство и многу европски гиганти покажаа интерес за неговиот потпис, но Французинот сепак остана во Вест Хем.

Меѓутоа, Паје не е задоволен во клубот и тоа се одразува на неговоте настапи оваа сезона, каде на 11 натпревари постигна само два гола и запиша пет асистенции.

„Ужасно влеговме во сезоната и не ја отфрлам можноста за заминување во зимскиот преоден рок. До сега ги бирав клубовите на основа на нивните спортски амбиции и цели. Се додека можам да играм на ова ниво ќе ги барам најдобрите клубови. Доколку ПСЖ ме сака треба само да ме контактира“, изјави Паје.

ПСЖ покажува најголем интерес за Паје, но во трката сигурно ќе се приклучат уште неколку европски гиганти.

Заврши сагата околу новиот тренер на Интер. Денес „нероаѕурите“ и официјално ќе го назначат Стефано Пиоли за наследник на Франк де Бур.

Изминативе денови главна тема на Апенините беше изборот на новиот тренер на Интер, особено поради фактот што неколку тренери беа дојдени во Милано на разговор со клубот, а во самото раководство имаше две спротиставени струи.

Иако се чинеше дека шпанскиот стратег Марселињо ќе биде новиот кормилар, сепак вчера стигна потврда дека раководството го избрало Стефано Пиоли бидејќи сакале италијански стратег.

Пиоли денес ќе потпише договор со „нероаѕурите“ до 2018 година, со клузула истиот да може да се раскине на крајот на сезоната.

Информацијата дека Пиоли ќе биде нов тренер не наиде на воодушевување кај фановите кои сметаат дека тој нема капацитет да води голем клуб и не може да биде долгорочно решение.

Новиот тренер на „нероаѕурите“ ќе дебитира во големото дерби против Милан кое на програмата е на 20-ти ноември, веднаш после репрезентативната пауза.