Трагедијата која се случи во мексиканската лига каде фудбалер поради црвен картон уби судија денес го потресе целиот свет.

Низ медиумите сега се појави и снимка на која се гледа трагичниот момент. Фудбалерот му задава силен удар во глава, несреќниот судија паѓа како покосен, но за жал починува на лице место и покрај брзата интервензија на лекарите.

Францускиот шампион ПСЖ, припрема „бомба“ во јануарскиот преоден рок и ќе се обиде да го донесе напаѓачот на Евертон, Ромелу Лукаку, пренесуваат англиските медиуми.

ПСЖ очајнички бара напаѓач бидејќи е јасно дека по заминувањето на Златан Ибрахимовиќ, Единсон Кавани, не може сам да го носи нападот.

Информациите од Англија говорат дека ПСЖ, уште во јануари, ќе се обиде да го реализира трансферот на Лукаку и дека за него „светците“ се спремни да платат 70 милиони евра.

Лукаку изјави дека нема преговори помеѓу двата клуба, но дека постои интерес на ПСЖ за неговите услуги.

„Мојот менаџер ништо не ми кажал. Сеуште немаме добиено потврда „црно на бело“, но јас лично многу го почитувам ПСЖ. Долг е патот до трансферот, но знам дека постои интерес на неколку екипи“, изјави Лукаку.

Един Џеко и Мохамед Салах, во моментов, се најдобрата напаѓачка двојка во најсилните пет национални првенства во Европа.

Екипата на Рома на 12 натпревари има постигнато 29 голови, а 18 од нив се дело на тандемот Џеко-Салах. Репрезентативецот на БиХ, Џеко, има постигнато 10 голови и заедно со Икарди го дели првото место на листата на најдобри стрелци, додека Салах е стрелец на осум гола.

Тандемот на Рома, во овој момент има постигнато повеќе голови од тандемот на Барселона Лионел Меси-Луис Суарез во шпанскиот шампионат. Меси и Суарез, во неделата постигнаа по еден гол во победата на Барса во Севилја со што стигнаа до бројката од 16 погодоци.

Ист број на погодоци како тандемот Меси-Суарез имаат постигнато Единсон Кавани и Лукас Моура од ПСЖ во Франција, односно тандемот на Челзи Диего Коста-Еден Азар во англиската Премиерлига.