Шпанските медиуми пренесуваат дека плејмејкерот на Барселона и хрватски репрезентацивец, Иван Ракитиќ на крајот на сезоната би можел да го напушти „Камп Ноу“.
Имено, Жозе Мурињо силно го посакува Хрватот на „Олд Трафорд“ и наскоро е спремен да започне преговори со Барселона.
Договорот на Ракитиќ со Барселона истекува во 2019 година, па и покрај најавите сеуште не се почнати преговорите за продолжување на соработката.
Каталонците би можеле да имаат проблем бидејќи нема да можат да му ја понудат на Ракитиќ истата плата која му ја нуди Јунајтед, па можно е да го загубат Хрватот.
Барса во изминатиот период ги продолжи договорите на неколку ѕвезди од тимот, па поради финансискиот фер-плеј не е во можност да му понуди повисока плата на Ракитиќ.
Англиските медиуми денес лансираа вистинска „бомба“ и тврдат дека е можно најдобриот играч на Арсенал, Месут Озил следното лето да се пресели во Манчестер Јунајтед.
Англискиот таблоид „Сан“ денеска објави дека на инсистирање на Жозе Мурињо, Јунајтед веќе подготвува понуда за германскиот репрезентативец и наскоро би можеле да почнат преговорите за трансфер.
Мурињо и Озил веќе соработуваа заедно во дресот на Реал Мадрид и познато е дека „Специјалниот“ има многу високо мислење за Германецот.
Озил има договор со Арсенал до 2018 година, но преговорите за продолжување на истиот веќе подолго време се во застој, па таквата ситуација сака да ја искористи Манчестер Јунајтед, кој на Германецот му нуди 250.000 фунти неделна плата.
Доколку се реализира овој трансфер ќе се повтори историјата од пред четири години кога Робин ван Перси ги остави „топџиите“ и се пресели на „Олд Трафорд“.
Бразил синоќа ја декласираше репрезентацијата на Аргентина со 3:0, па сега „гаучосите“ се во опасна ситуација и им виси пласманот на Светското првенство во Русија 2018 година.
Капитенот на аргентинската репрезентација, Лионел Меси е загрижен за играта и резултатите кои во последно време ги остваруваат „гаучосите“.
„Доаѓаме после период на многу негативни резултати и на првиот удар, не сме во состојба да реагираме. Мислам дека мора итно да ја смениме оваа инерција. До првиот гол бевме добро поставени на теренот, потоа се загубивме, нашата игра беше срање“, истакна Меси.
„Ова е најтежок момент во мојата репрезентативна кариера и треба да се обидеме и верувам дека луѓето во Сан Хуан ќе ни дадат поддршка. Со сите лоши резултати кои ги имаме и покрај фактот дека сме паднати во гомна, сепак се зависи од нас“, заклучи ѕвездата на Барса.
Триумфот на Лејекрси над Сакраменто и победата на Чикаго со Двејн Вејд над Мајами 98-95, ја обележаа ноќта во НБА.
Чикаго славеше против Мајами 98-95, а во центарот на вниманието беше Двејн Вејд кој летово од Мајми се пресели во Чикаго.
Вејд мечот го заврши со 13 поени, 7 скока и 4 асистенции. Чикаго го предводеа Џими Батлер со 20 поени, односни Режон Рондо со 16 поени и 12 асистенции. Хасан Вајтсајд беше центрлан афигура кај Мајами со двоен ефект од 20 поени и исто толку скокови.
Голден Стејт го декласира Денвер, а актуелниот вицепрвак победата ја обезбеди по првата четвртина кога стекна предност од 19 поени. Стеф Кари го предводеше тимот со 33 поени, 5 скока и 7 асистенции, Клеј Томпсон постигна 19 поени, а Кевин Дурент 18, на кои придодаде 9 скока и 5 асистенции.
ЛА Лејкерс против Сакраменто ја запишаа петтата победа во деветтиот меч. „Езерџиите“ предводени од Лу Вилијамс (21 поен) славеа со 101-91.
Металург загуби од Монпелје 24-30 во шестото коло од Ц групата во Лигата на шампионите, што е прв пораз за тимот на Червар пред домашна публика.
Металург, без неколку повредени играчи, успеа да му пружи добар отпор на фаворизираниот француски тим, кој сепак не беше доволен да се избегне поразот.
„Одигравме еден добар натпревар во кој во првиот дел ја контролиравме играта, ама докрај не издржавме. Очигледно е дека ни недостасува искуство за вакви дуели, плус на моменти ни падна и концентрацијата. Искрено не понесоа емоциите, а не разумот. Од ваков тип на натпревари можеме да извлечеме само поука“, истакна Лино Червар.
Блескаше кај Металург Обрадовиќ, особено во првото полувреме, кој постигна 10 гола, четири постигна Илиќ, а по три Кузмановски и Пешевски.
Барак Обама зад себе остава два претседателски мандати, а Белата Куќа ќе треба да му ја отстапи на новоизбраниот претседател. Сепак, новата и во куќа нема да му недостига луксуз. Куќата, според изјавите, била во сопственост на Џо Локхарт, кој служел во Белата Куќа во времето на Бил Клинтон.
Барак, Мишел, Малиа и Саша на 20 јануари ќе се сместат на површина од 762 квадратни метри. Обама ќе остане со семејството во Вашингтон додека помалата ќерка Саша заврши средно училиште, до 2018 година и тој е со став дека преселбата за една средношколка би била многу тешка. Месечната кирија на семејството ќе изнесува 22.000 долари.
По напуштање на службата Обама ќе се посвети на организација која работи на подобрување на животот на обесправените црнци и латино-американци. Иако му е обезбедена доживотна пензија, на шега дофрлил и дека кога за неколку месеци ќе се најде на пазарот на трудот, ќе пристапи кон креирање на профил на професионалната мрежа LinkedIn.
Додека сите очи беа вперени во средбата што се одржуваше помеѓу Барак Обама и идниот претседател на САД, Доналд Трамп во Овалната канцеларија во четвртокот, неколку врати подолу се одржа средба помеѓу првата дама Мишел Обама и Меланија Трамп.
Прата дама ја пречека следната прва дама со чај и тура низ Белата Куќа, изјавија на брифингот од Белата Куќа. На фотографијата што ја објавија оттаму, двете дами седат во златни столици и разговараат во Жолтата овална соба.
Двете мајки разговарале за тоа како изгледа растењето на децата во Белата Куќа. Синот на Меланија Трамп, Барон, има 10 години и ќе биде првиот син што ќе расте во Белата Куќа по Џон Ф. Кенеди Јуниор. Постарата ќерка на Мишел Обама, Малија, имаше 10 години кога Обама беше избран за претседател во 2008 г. а помалата, Саша, имаше 7.
Со концертниот спектакл на легендарниот Жан Мишел Жар во недела 13 ноември почнува 18-тиот Таксират Фестивал. Пионерот на електронската музика првпат ќе настапи во Македонија, во Вип Арена „Борис Трајковски“ во Скопје.
Македонската публика прв пат ќе има можност да биде дел од спектакуларното аудио-визуелно шоу какво што генијалниот Жан-Мишел Жар приредува секаде ширум светот. Тимот кој работи на комплетната техничка реализација на неговата светска турнеја го подготвува и големиот спектакл во Скопје.
Се подготвува бина широка 20 метри, а целокупната техничка опрема во нашиот главен град пристигнува со најквалитетниот концертен караван од шест шлепери за продукциската опрема и пет автобуси – најтлајнери за техничкиот тим.
Жан-Мишел Жар во Скопје ќе пристигне со приватен авион, придружуван од неговиот менаџерски тим. За сè да функционира совршено ќе се погрижи тим од 80 луѓе што ја придружува легендата на секој концерт од турнејата, а во Скопје премиерно ќе биде претставена опрема од апсолутно водечките компании во светот кога се аудио-сценските спектакли во прашање.
Дури и за самиот Жан-Мишел Жар, основоположникот на мултимедијалните перформанси какви што ги знаеме денес, сценскиот проект на оваа турнеја е посебно шоу со досега невидени елементи кои вклучуваат восхитувачки ефекти, светло, ласери и визуелизации.
– Навистина сум горд и почестен што доаѓам во Македонија токму со ова шоу. За мене тоа е навистина исклучително и многу подобро од претходните кои ги работев. Ова е сосема ново и поинакво шоу, а ме радува дека се совпаѓа со за мене многу посебниот албум „Електроника“, изјави Жан-Мишел Жар во пресрет на неговиот концерт во Скопје.
Како што е најавено, покрај новите композиции од „Електроника“, посетителите на овој концерт ќе имаат прилика да се потсетат и на старите фаворити од неговите класики „Оксижен“ и „Еквинокс“, но и привилегија меѓу првите да чујат во живо дел од остварувањата за неговиот нов албум „Оксижен 3“ кој допрва треба да биде објавен, на 2 декември.
Актуелниот, европски дел од неговата турнеја започна на 4 октомври, а ќе заврши на 12 декември, по 38 концерти во 20 земји кои оваа турнеја ја вбројуваат меѓу најзначајните музички настани годинава.
Концертот на Жан-Мишел Жар во Скопје е воедно и отворање на 18-тиот Таксират Фестивал, а ќе се одржи пред лимитиран број од 6.000 посетители.
Бред Пит се врати во јавниот живот и тоа рака под рака со неговата колешка и пријателка Џулија Робертс.
Холивудскиот актер го немаме видено откога Анџелина го поднесе барањето за развод и старателство на децата.
Бред беше дел од промоцијата на филмот Moonlight во Лос Анџелес кој го продуцираше преку својата компанија План Б.
Судејќи по фотографиите, актерот е во добра форма и покрај бурните случувања во неговиот приватен живот, а Џулија е тука да му ја даде целата пријателска поддршка.
Институтот Legatum од Лондон го објави својот јубилеен, 10-ти глобален индекс на просперитет, кој ја претставува листата на најпросперитетни земји во светот.
За просперитетот значајна е количината на пари со кои државата располага, но овој институт зема многу повеќе фактори. Освен традиционалните, како што е БДП по жител или вкупен број на вработени, во својата формула вметнува и фактори како што е вкупниот број на интернет провајдери и количината на дневниот одмор на еден просечен граѓанин.
Променливите потоа се делат на девет категории – економски квалитет, работна атмосфера, власт, образование, здравство, безбедност, лична слобода, друштвен капитал и природна околина.
Индексот рангирал 149 земји во светот, а по седум последователни години, од врвот е тргната Норвешка, а нејзиното место го зазеде една далечна земја.
Десет најпросперитетни земји во светот се:
1. Нов Зеланд
2. Норвешка
3. Финска
4. Швајцарија
5. Канада
6. Австралија
7. Холандија
8. Шведска
9. Данска
10. Велика Британија
Кога се работи за земјите во регионот, ние се наоѓаме на 53-то место, пред нас се наоѓа Хрватска на 43 место, а зад нас се Србија на 66 место и Црна Гора на 58 место, додека пак Босна и Херцеговина не е влезена во трката.
