Генерал Румен Радев е нов претседател на Бугарија

12:12, 14 ноември

Румен Радев, кандидатот на опозициските бугарски социјалисти наклонет кон Русија, победи на претседателските избори во Бугарија вчера со 59,35 отсто од гласовите, покажаа официјалните резултати на изборната комисија, кои сè уште не се конечни.

Кандидатката на премиерот Борисов и неговата конзервативна партија ГЕРБ, Цецка Цачева освои 36,1 отсто врз основа на 99,33 отсто од гласовите.

Конечните официјални резултати е бидат објавени во среда, а новиот претседател ќе ја преземе должноста на 22 јануари.

Генералот Радев (53), е поранешен командант на воздухопловните сили кој тежнее кон укинување на европските санкции кон Москва. Неговата победа може да ја приближи Бугарија кон Русија и со тоа да предизвика гнев кај Европската Унија и НАТО, сметаат аналитичарите.

Радев тие стравови ги отфрла и истакнува дека тој е „генерал на НАТО формиран во Соединетите Држави“ и дека Бугарија нема алтернатива на членството во ЕУ и НАТО.

Тој вчера истакна дека „сака добар дијалог со претседателите и на САД и на Русија“.

Бугарскиот премиер Бојко Борисов денес поднесе оставка по поразот на кандидатката на владејачката десничарска партија на претседателските избори.

Снимка која го воодушеви светот: Додека „аѕурите“ даваа голови, еве што правеше Буфон!

P K

12:07, 14 ноември

Италија славеше убедлива победа над Лихтенштајн со 4:0, а во центарот на вниманието беше Џиџи Буфон.

Буфон во текот на целиот натпревар беше практично без работа, но затоа го направи потегот на натпреварот.

Имено, легендарниот голман во еден момент го напушти голот за да се потпише на маичката на детето кое успеа да го мине обезбедувањето.

Buffon by situacijeliga

Михајловиќ: Милан го има Донарума благодарение на мене!

P K

11:46, 14 ноември

Михајловиќ за прв пат после отказот кој го доби од Милан проговори за односот со Берлускони и откри интересни детали околу голманот Донарума.

Донарума, кој денес важи за еден од најталентираните голмани на светот дебитираше за Милан на 16 години, и тоа токму по инсистирање на Михајловиќ.

Срспкиот стратег откри дека Берлускони го наговарал да не го става Донарума во првиот тим, но тој стоел зад својата одлука и по цена на отказ.

„Кога решив да му дадам шанса на Донарума во првиот тим, Берлсукони два пати се обиде да ме спречи. Доаѓаше во Миланело и ме убедуваше да не го правам тоа и дека треба да брани Диего Лопез. Му реков дека има два избора: да ми даде отказ и да брани Диего Лопез или ако останам јас ќе брани Донарума. На негова среќа се случи тоа што се случи“, објаснува Михајловиќ.

Михајловиќ исто така потенцираше дека тој го наговорил Берлускони да го купи Ромањоли за 25 милиони евра, а денес 21-годишниот стопер е еден од најдобрите во Серија А.

„Не сакаше да го купи Ромањоли затоа што мислеше дека 25 милиони евра се многу за дете од 20 години. Јас го убедив и му реков: ’Ромањоли ќе биде еден од најдобрите во светот. Кога ќе го препродаваш ако неговата цена биде помала од сегашната јас ќе ти го доплатам остатокот’“, открива Миха и додаде:

„Добро за Милан што ме послуша, знаеме дека сега Ромањоли вреди двојно повеќе. Јас сум заслужен и за тоа што Нианг е сега сеуште во клубот инаку ќе беше продаден. Без овие тројца фудбалери Милан сега ќе беше многу послаб и посиромашен“.

Шок во Каталонија: Меси не сака да го продолжи договорот со Барса!

P K

11:16, 14 ноември

Напаѓачот на Барселона, Лионел Меси нема намера да го продолжи договорот со каталонскиот клуб, тврди мадридскиот венсик „Марка“.

Аргентинецот има сигурна соработка со каталонскиот гигант до 2018 година, а шпанскиот весник тврди дека сигурно нема да остане на „Ноу Камп“.

Извори на весникот тврдат дека Аргентинецот ја донел оваа одлука во текот на летото, кога бил на одмор со своето семејство бидејќи му е потребен нов предизвик во кариерата.

Тој му порачал на својот татко и еден човек од опкружувањето да го информираат раководството на Барселона за тоа. Меси дури не ја исклучува варијантата да игра за друг тим пред истекот на договорот, кој е до летото 2018 година.

Дури и претседателот на Барселона, Хосеп Марија Бартомеу бил запознаен со одлуката на Меси, а по првичиот шок, првиот човек на клубот го советувал Аргентинецот да не брза и да размисли добро пред неговото конечно решение.

Видео: Ибака им пресуди на „своите“, Лејкерси декласирани од Минесота!

P K

11:07, 14 ноември

Ефикасна ноќ во НБА лигата која ја одбележаа новиот трипл-дабл на Вестбрук и Серж Ибака кој прв пат настапи против Оклахома во дресот на Орландо и ги шокира поранешните соиграчи.

Изненадувањето на вечерта е Орландо, на гостувањето кај Оклахома славеше со 119:117 благодарение на Ибака кој го постигна победничките поени. Тој на крајот имаше 31 поен и го засени Расел Вестбрук кој оствари трипл-дабл од 41 поен, 16 асистенции и 12 скока.

Голден Стејт во доста неизвесен натпревар успеа да слави над Феникс Санс со 133-120. Иако тимот од Аризона одигра одличен натпревар, сепак триото Томпсон-Кари-Дурант го реши победникот. Томпсон и Кари мечот го завршија со 30 поени, додека Кевин Дурант запиша еден помалку.

Актуелниот шампион Кливленд славеше против Шарлот 100:93. Леброн Џејмс со 19 поени и по осум скока и асистенции беше предводникот на Кливленд. Ист број на кошеви уфрли Лав, а поен поевеќе Фрај.

Минесота убедливо славеше против ЛА Лејкерс 125:99. Ендрју Вигинс постигна рекордни во кариерата 42 поени, а личен НБА рекорд постави и Србинот Немања Бјелица кој уфрли 24 поени.

Урнебесно: Џеко го соблече противникот по гаќи!

P K

10:56, 14 ноември

Хаос на трибините, некоректно однесување на теренот го обележаа дерби мечот во квалификациската Група Х за пласман на Светското првенство, помеѓу Грција и Босна и Херцеговина.

На стадиoнот мечот започна со провокација на грчките навивачи, кои истакнале транспарент „Нож, жица, Сребреница“, а потоа и тргнаја да се пресметаат со противничките навивачи, но полицијата и редарите спречија да дојде до контакт на двете навивачки групи.

Случувањата на трибините создаде и тензична атмосфера на теренот која кулминира во 80-та минута, кога Пападопулос го турна Џеко, напаѓачот на БиХ изнервиран буквално му ги соблече гаќите на грчкиот дефанзивец.

Во целата мешаница некој од трибините со тврд предмет го погоди Џеко во главата. Судијата Ериксон на напаѓачот му покажа втор жолт картон, а на Пападопулос директен црвен картон.

Дали Трамп ќе биде третиот претседател на САД што ќе се откаже од претседателската плата?

A V

17:07, 12 ноември

Откако победи во трката за претседател на САД, многумина се прашуваат дали Доналд Трамп ќе го одржи едно од најинтригантните ветувања кое го даде, изјавувајќи дека ако биде избран за претседател на САД, ќе се откаже од претседателската плата и функцијата ќе ја работи бесплатно.

Богатството на Трамп е проценето на 3,5 милијарди долари, иако самиот тој тврди дека има барем три пати повеќе од тоа. Доколку одбие да прима претседателска плата која изнесува 400.000 долари годишно, тој ќе биде третиот претседател во историјата на САД кој оваа должност ќе ја извршува бесплатно.

Пред него тоа го направија Херберт Хувер избран во 1929 година, човек кој се збогати со бизнисот со рудници пред да се посвети на политиката. Вториот е најпопуларниот американски претседател Џон. Ф. Кенеди, кој исто така претседателствуваше бесплатно, имајќи го во предвид фактот дека потекнува од богато семејство. На функција дојде во 1961 година. Овие двајца американски претседатели својата плата ја подаруваа во хуманитарни цели.

Доналд Трамп, на предизборен митинг во Њу Хемпшир, во септември 2015, изјави дека ако за една година биде избран за претседател на САД, таа функција ќе ја извршува бесплатно.

„Првото нешто кое ќе го направам? Ќе ја одбијам платата. Тоа едноставно не ми претставува ништо“, изјави Трамп. Иако после неговиот избор го нема да го повтори овој став, повеќето луѓе веруваат дека, сепак, ќе си го одржи ветувањето, а сигурно има многу медиуми кои ќе го потсетат на оваа изјава.

Како се изведува и изгледа вселувањето во Белата Куќа – овие факти не сте ги знаеле

A V

14:12, 12 ноември

Секој од вас, барем еднаш, ако не семејно, тогаш како студент, или евентуално барем на десетина дена кога се оди на одмор, го почувствувал товарот и напорноста на преселувањето на дел од личните ствари од едно на друго место.

Е сега, замислете да треба да се изорганизирате за да ги преселите сите ваши ствари кои ги поседувате, ама буквално сите, од еден град во друг, и тоа за само 12 часа во кои треба да завршите буквално сè, а притоа во игра да е, ни помалку ни повеќе, туку Белата Куќа како ваше одредиште за преселба. На 20-ти јануари, новиот претседател ќе ја преземе Белата Куќа, па interior.mk пренесува што сè го очекува идното Прво семејство во САД во рамки на овој нималку едноставен, туку напротив, комплексен процес.

1. Вселувањето не може да започне се до пладне на денот на инаугурацијата

Избраниот претседател не може да се всели ниту една минута порано. „Не ни е дозволен пристап во Белата куќа до пладне на 20- ти јануари, па ние треба да работиме речиси од надворешни локација и да се организираме логистички таму“, вели Бредли Блекман, кој беше заменик асистент на претседателот Џорџ В. Буш и одговорен за планирање на секоја минута од неговото време- вклучувајќи го и денот на вселување. „Вселувањето е систематски организирано, како воените маневри”.

2. Има само 12 часа за вселување, чистење и средување

Зошто вселувањето е како воен маневар? Затоа што се случува брзо. „Службеници од Управата за општи услуги ги одселуваат и вселуваат луѓето, кречат и ставаат нови теписи”, вели Блекман. „Потребни се сите 12 часа за да се заврши се. Тие се таму до полноќ”. Личниот избор на декор од Првото семејство ќе се направи по вселувањето.

3. Првото семејство е одговорно да си донесе сè во Белата Куќа

Нешто што повеќето луѓе не го знаат: Првото семејство е одговорно за носење на сите нивни предмети во Белата Куќа. „Тие имаат координација со владата преку приватни преселувачи”, вели Блекман. На пример, претседателот Обама мораше да ги покрие трошоците за превоз (или со лични средства или пари собрани за кампањата) за да ги пренесе своите предмети од Чикаго во Вашингтон. Откако предметите на новоизбраниот претседател пристигнуваат, персоналот го зема имотот и започнува со распакување.

4. Во меѓувреме, претседателот го минува денот на инаугурација

Главниот помошник го координира денот на вселување, давајќи му на персоналот на Белата Куќа планови и фотографии кои покажуваат каде оди секој предмет (тоа се логистички прашања кои новоизбраниот Претседател претходно ги договара со главниот помошник). “Во текот на процесот на вселување, Првото семејство е на инаугурацијата или ја гледа парадата”, вели Блекман. „По завршувањето на парадата следат инаугуративни балови, така што тоа е надвор од куќата долго време, овозможувајќи сето тоа да се случи“.

5. Има голема флексибилност за декорирање на Овалната соба

Откако ќе се всели претседателот, тој или таа може комплетно да ја преуреди Овалната соба. Тоа може да биде менување на уметничките дела на ѕидовите, книгите на полиците, па дури и фотелјите, софите и други парчиња мебел, велат од ABC News.

6. Вселувањето не ги вклучува само приватните простории

Блекман проценува дека работат околу 500 луѓе да ја вселат целата нова администрација. „Дури и во случај да има демократ во Белата куќа и демократ да е избран за следен претседател, исто е како да доаѓа републиканец, бидејќи избраниот претседател ќе си донесе свои луѓе,” вели Блекман. „Затоа, службениците го реорганизираат западното крило”.

7. Првата задача: Планирање на сопствениот погреб

Можеби звучи шокантно, морбидно и бизарно, но за време на првата недела по вселувањето во Белата Куќа, Претседателот треба да си го испланира својот погреб ако нешто се случи за време на неговото претседателствување, вели Блакеман.

8. Одбраниот претседател има шанса да си одбере нов готвач

За време на првата недела по вселувањето, претседателот може да си назначи кој ќе готви за неговото семејство. „Можеби не им се допаѓа готвачот кој е таму,” вели Блекман. „Но тие најверојатно, нема да јадат првиот ден во Белата Куќа. Првиот оброк најверојатно ќе биде наредното утро за појадок.”

9. Новиот претседател добива нова лимузина

Новиот претседател е опремен со нов државен автомобил со последни безбедносни карактеристики (повеќето познати само на Тајната Служба). Исто така, ако тоа не е покриено пред вселувањето, новоизбраниот Претседател ќе се запознае со нешта кои се топ-тајна за итни случаи, апаратура на Белата куќа која беше поставена по 9/11, вели Блекман.

10. Се менува галеријата фотографии на Претседателот

Пред Кабинетот има ротирачка фото-галерија на претседателот, вклучувајќи и слики од него на средбата со светските лидери и сојузници, пренесува ABC News. На денот на вселувањето, фотографиите се менуваат за нови, на пример, оние на новиот претседател од церемонијата на инаугурацијата.

И Левица со самостојна листа на претстојните избори – еве ги носителите на кандидатските листи

A V

09:07, 12 ноември

Во писмената изјава со која ги објавија носителите на кандидатските листи во пет од шесте изборни единици, од новоформираната партија порачуваат:

По долги години, за прв пат, на изборите граѓаните ќе можат да гласаат за една автентична левичарска партија, за партија која отворено се заложи да ги штити интересите на обичниот народ, а не на бизнис елитите!

Левица вечерва до ДИК ги достави своите изборни листи. Нема да оди сама на изборите, туку самостојно, а заедно со обесправениот народ, во пет изборни единици.

Нашите кандидати за пратеници се потврдиле многупати досега како бескомпромисни и непоколебливи борци за правата на обесправеното и осиромашено мнозинство граѓани!

Носител во ИЕ 1 ќе биде Димитар Апасиев, универзитетски професор и долгогодишен борец за социјална правда.

Носител во ИЕ 2 ќе биде Трајче Стојанов, универзитетски професор и еден од најквалитетните колумнисти во Македонија.

Третата изборна единица ќе ни биде предводена од жена, Марија Џонс, една од највлијателните личности за време на протестите против воведувањето придонеси за хонорарите.

Во ИЕ 4 одиме со Митко Николов, истакнат еколошки активист, за да потенцираме дека нам заштитата на животната средина ни е многу важна работа!

И во петтата изборна единица ќе одиме со листа предводена од Здравко Савески, доктор на науки, синдикалец и организатор и учесник на многу протести во последната деценија.

Со тројца доктори на науки како носители на изборните листи, Левица го потенцира својот интелектуален капацитет! А со бројните учесници на протестите што се на нашите листи Левица убедливо го држи приматот на најпротестна партија! Ние немаме ниту еден газда на листите, ниту еден транзициски политичар! Имаме само борци за слобода и социјална правда!

Во ИЕ 6, со цел да го максимализираме ефектот од антирежимските гласови, на овие избори решивме да не учествуваме со сопствена листа.

А седмата изборна единица решивме да ја бојкотираме! Невиден изборен грабеж се случуваше на претходните избори и не мислиме дека тоа ќе биде поразлично и на овие! Затоа, ги повикуваме нашите поддржувачи во дијаспората да ги бојкотираат изборите и да не го легитимираат изборниот грабеж!

ВМРО-ДПМНЕ ги објави кандидатските листи за изборите – еве ги носителите

A V

08:48, 12 ноември

Коалицијата „За подобра Македонија“ предводена од ВМРО-ДПМНЕ вечерва ги достави листите со кандидати за пратеници.

Носител во првата изборна единица на коалицијата е Никола Поповски, во втората Никола Тодоров, а во третата Илија Димовски. Листата на коалицијата во четвртата изборна единица ја предводи Никола Груевски, Антонио Милошоски во петтата, Влатко Ѓорчев во ИЕ шест, а во седмата изборна единица Рамазан Ифтаровски.

На новинарско прашање во однос на позиционирањето на лидерот на ВМРОДПМНЕ во четвртата изборна единица, Димовски рече дека граѓаните во таа изборна единица најдиректно ќе одлучат кој треба да ја раководи Република Македонија и кој треба да биде премиер на државата, дали господинот Груевски или господинот Заев.

1...4.2714.2724.273...4.361 Page 4.272 of 4.361