Home Blog Page 4265

Planet Earth II ги надмина сите очекувања – погледнете ја борбата на снежните леопарди

By
A V
-

Неодамна BBC започна со емитувањето на Planet Earth II, продолжение на истоимениот документарен серијал од пред десет години.

Проектот е еден од најскапите документарни емисии кога било, а веќе првите две епизоди ги надминаа сите очекувања. Нараторот Дејвид Атенбороу со право најавуваше дека сцената со борбата меѓу снежните леопарди од втората епизода, со својата спектакуларност ќе ја надмине првата епизода, каде видовме не помалку жестока битка помеѓу игуана и змии, иако малку кој му поверува.

Снежните леопарди се редок, загрозен вид, кој кој со својата убавина, но и жестокост, ја возбудија, но истовремено и ја разнежнија публиката.

– Многу се малку, и ретко се среќаваат, но кога ќе се сретнат, тоа станува многу насилно, објаснуваше Атенбороу.

СПОДЕЛИ МУЗИКА: „Сан снова“ – ново од Васил Хаџиманов и неговиот бенд

By
A V
-

Во продукција на Радио-телевизија Србија, ново видео на Васил Хаџиманов Бенд, овој пат за песната „Сан снова“. Васил е докажан џез композитор и клавијатурист кој од неодамна стана и вонреден професор по клавир на штипската музичка академија.

„За моите руски фанови“: Miss Bum Bum гола, насликана само со маскотата за World Cup 2018

By
A V
-

Плејбој моделот и Mis Bum Bum за 2015 година, Сузи Кортез, на свој оригинален начин го поддржа Светското првенство во фудбал кое во 2018 година ќе се одржи во русија, соблекувајќи се угул гола и позирајќи само со насликана маскота од претстојното светско првенство, волкот Забивака.

Забивака беше официјално прогласена за маскота на светското во Русија, а на објавата учествуваше и Кортез, заедно со бразилската фудбалска ѕвезда Роналдо како специјален гостин.

A photo posted by FIFAWORLDCUP (@fifaworldcup) on

Пит и Котијар на турнеа со Allied – Бред после 20 години забрана стапна во Кина

By
A V
-

По првото појавување во јавноста по објавувањето на разводот од Анџелина Џоли, холивудската ѕвезда Бред Пит продолжи со промотивните активности за најновиот филм.

Пит за прв пат зачекори на црвениот тепих за да го промовира најновиот филм, воената драма Allied, а веќе тој имаше збиена агенда. Најпрво заедно со колешката од филмот Марион Котијар присуствуваа на проекцијата во Лос Анџелес, а подоцна одржаа и Q&A сесија за медиумите.

16-11-bred-pitt3

16-11-bred-pitt6

16-11-bred-pitt5

Само ден потоа тој ја остави бремената Котијар во САД, и замина за Кина каде што присуствуваше на кинеската премиера на филмот, а исто така учествуваше во интервју со локалните медиуми каде објасни дека во дел од Allied тој зборува течно на француски јазик. Бред навистина се потрудил да го научи што е можно подобро јазикот, објасни тој додека беше гостин во Шангај.

16-11-bred-pitt1

За потсетувае, по филмот „Седум години на Тибет“ во кој Бред Пит ја игра главната улога, на холивудскиот актер му беше забранет влез во Кина цели 20 години, бидејќи на кинеската влада наводно не ѝ се допаднал описот на бруталното кинеско владеење во регионот на Хималаите.

16-11-bred-pitt2

На новинарите на прес-конференциајта им било забрането да поставуваат прашања, а водителот поставил низа прашања за романтичниот трилер чиешто дејство се одвива во Втората светска војна.

16-11-bred-pitt4

Филмот „Allied“ првпат ќе биде прикажан на 23 ноември во Кина, САД и во некои европски и азиски земји.

Невработеноста во Британија на минимални 4,8 проценти

By
A V
-

Стапката на невработеност во Велика Британија во три месеци заклучно со септември падна на 4,8 проценти, покажаа објавените официјални податоци. Меѓу работодавците спласна загриженоста поради Брегзит.

Во периодот јули-септември во Британија е забележана најниската стапка на невработеност за 11 години, додека во три месеци заклучно со август таа изнеусвала 4,9 проценти, соопшти британската канцеларија ONS, а пренесува агенцијата Франс прес.

Во три месеци заклучно со септември, во Британија имало 1,6 милиони невработени лица, што е за 146,000 помалку во однос на година дена претходно.

Според неодамна објавените податоци, британската економија во третиот квартал пораснала за 0,5 проценти, што е сериозно забавување во однос на растот од 0,7 проценти од вториот квартал, но над пазарните очекувања и прогнозираниот раст од 0,3 проценти.

Со победата на Трамп почна и зголемувањето на вредноста на доларот

By
A V
-

Трговците со валути сметаат дека постојат 45 проценти шанси за вредноста на доларот спрема еврото да се зголеми на еден долар до крајот на идната година, пишува Блумберг.

Пазарот денеска се потпира на ветувањето на новиот американски претседател Доналд Трамп дека ќе ги намали даноците и дека ќе ја зајакне потрошувачката. Тоа би требало да го зголеми економскиот пораст, а тоа на крајот би довело до побрзо зголемување на каматните стапки на централната банка.

Аналитичар во Дојче банка, која е четврти најголем трговец со валути во светот, предвидува дека курсот ќе се зголеми на 1,05 долари за едно евро, а до крајот на следната година едно евро би можело да чини 95 центи.

На тој начин еврото во однос на доларот би било најслабо од 2002 година.

Видовитиот професор ја предвиде победата на Трамп – еве што вели за неговиот мандат

By
A V
-

Политичкиот историчар Алан Лихтман, познат и како Видовитиот професор, досега има беспрекорен резултат во предвидување на исходите од изборите.

Лихтман ниеднаш досега не погрешил во своите предвидувања, па можеби Америка требаше повнимателно да го слуша и да се подготви кога тој рече дека Доналд Трамп ќе победи.

Во своето гостување на популарниот телевизиски канал CNN, Лихтман ја изненади американската јавност со неговото ново предвидување дека Трамп најверојатно ќе се соочи со импичмент.

Според Лихман, ова се должи на тоа што Доналд Трамп секогаш избрзува и не внимава на законите, па постои можност како претседател на САД да направи нешто непромислено.

Дури и во неговата републиканска партија го сметаат за човек без контрола и затоа се плашат од него и од тоа што тој може да направи. Во исто време, никој точно не знае во што тој верува и за што се залага, рече Лихтман за Трамп, и додаде дека неговите предвидувања се базираат на инстинкт.

Во ЕУ ќе влегуваме со петгодишна електронска виза која ќе чини 5 евра

By
A V
-

Од Нова година ако сакате да патувате во ЕУ ќе мора да аплицирате за влез и да платите 5 евра кои ќе ви важат пет години.

Ова е новата мерка што ја воведува Европската Унија за земјите кои има договор за безвизен режим, за зајакнување на сигурноста на границите на ЕУ и контрола од влез на жители од трети земји.

Апликацијата, според сѐ уште неофицијалните информации, ќе се пополнува на посебна интернет страница на Европската Унија.

Документот за оваа мерка, како што објави и германскиот магазин „Велт“, е изготвен од европскиот комесар за внатрешни работи, Димитрис Аврамопулос.

Системот ќе овозможи да се определи дали присуството на едно лице на територијата на ЕУ е опасност од гледна точна на нелегална имиграција, безбедност или зачувување на јавно здравје, пишува во документот.

Според планот на Аврамопулос, регистрирањето би траело најмногу десетина минути, а во апликацијата ќе се наведуваат податоци од пасошот. Таканаречената електронска виза ќе се издава на лица над 18 години и ќе биде валидна пет години, а за тоа ќе треба електронска уплата од 5 евра. За децата под 18 години, ваква апликација нема да биде потребна и тие ќе можат да патуваат како и досега, само со важечки пасош.

Бартомеу: Убеден сум дека Меси останува во Барса!

By
P K
-

Претседателот на Барселона, Јосеп Марија Бартомеу е сигурен дека Меси ќе остане на „Камп Ноу“ и кариерата ќе ја заврпи во Барселона.

Во последните неколку дена се појавија шпекулации дека Меси одбил да го продолжи договорот со Барселона и дека сака да ја промени средината.

Денес претседателот на каталонскиот клуб Бартомеу, за време на потпишувањето на новиот спонзорски договор ги убеди фановите дека Меси сигурно ќе остане на „Камп Ноу“.

„Убеден сум дека Меси ќе ја заврши кариерата во Барселона. Тој е играч кој ни донесе многу успеси во сите овие години“, изјави Бартомеу.

Од раководството на клубот се надеваат дека наскоро ќе најдат заедничкуи јазик и Меси ќе го продолжи договорот со каталонскиот гигант.

Запознајте го Phantom 4 Pro – новиот летечки „ѕвер“ на DJI (видео)

By
A V
-

DJI претстави нова професионална верзија на својот дрон Phantom 4. Ажурираниот Phantom 4 беше ставен на пазарот само пред осум месеци, во март оваа година. Phantom 4 Pro се одликува со подобра камера, подобрен софтвер за избегнување на пречки, подолг живот на батеријата, како и дополнителни интелигентни антенски режими.

Phantom 4 Pro има 1-инчен CMOS сензор кој снима 20-мегапикселни слики. Големиот динамичен опсег (11,6) значи дека сензорот ќе може подобро да балансира и да разликува светли и темни сцени. Камерата веќе може да прави до 14 слики во секунда и да прави видео на бавно движење при 60 fps.

Сензорите на Phantom 4 Pro се подобрени значително. DJI Phantom 4 и Mavic Pro можат да избегнуваат пречки само кога летаат напред. Phantom 4 Pro има сензори на сите четири страни, што значи дека дронот може да гледа и избегнува пречки, додека се движи во било која насока. Благодарение на новите сензори максималната брзина во режим на избегнување на пречки стигнува од 35 км / ч до 50км / ч.

Друга голема промена со Phantom 4 Pro е дека може да се купи далечински со вграден дисплеј. Траењето на батеријата на Phantom 4 Pro сега достигнува до 30 минути.

Phantom 4 Pro ќе ве чини 1499 или 1799 долари, ако изберете да земете контролер со вграден екран. Тој е достапен за претходна нарачка сега на сајтот на DJI. Од компанијата тврдат дека дронот ќе започне да се испорачува од следната недела.

1...4.2644.2654.266...4.361Page 4.265 of 4.361
©