Што му се случува на организмот кога си заспиваме пијани

09:18, 17 ноември

Често пати по пијана ноќ, заспиваме веднаш штом ја ставиме главата на перницата (ако воопшто стигнеме до креветот).

Но, наредното утро се чувствуваме ужасно, иако сме спиеле доволно долго за да сме одморени.

Прво, нè релаксира, што го олеснува заспивањето. Но, без разлика колку ни се чини дека запаѓаме во длабок сон, тоа не е точно, бидејќи алкохолот го намалува траењето на REM фазата од спиењето, која всушност е длабоката фаза која не прави да се чувстуваме одморени наутро. REM фазата е витална за добар сон и што повеќе чашки сме испиле, толку помалку таа ќе трае.

Алкохолот исто така може да го потисне дишењето, што ја создава состојбата наречена спиечка апнеа. Поточно, можат да се јават периоди од по неколку секунди во текот на ноќта кога дишењето буквално запира.

Спиечката апнеа нè прави уште поисцрпени наутро, бидејќи не само што предизвикува постојано будење, туку на мозокот му бил скратен кислородот во текот на ноќта.

Наравоучение – ако веќе пиете, пијте умерено или не очекувајте да се разбудите без опасен мамурлак.

Виц: Мачори на парење

A V

08:59, 17 ноември

Се спремаат мачорите да одат во провод на парење, па го земаат со нив и малото мачорче на клецање и тоа да проба како е прв пат. Надвор февруари, крв ладно минус 30, ама тоа е, ќе се оди.

Излегуваат, се качуваат на еден ѕид и чекаат да поминат мачки за парење, се треси кутро мачорче од ладното, ама трпи. Врват десет, дваесет минути, пола саат, се треси мачорчето, па вели:

Другари, јас ќе поклецам уште пет минути и ќе си одам, ми студи мене.

Боб Дилан нема да се појави на доделувањето на Нобеловата награда

A V

08:50, 17 ноември

Американскиот музичар и поет Боб Дилан нема да присуствува на церемонијата на доделување на Нобеловата награда за литература поради „други обврски“, соопшти денеска Шведската академија.

Академијата вчера примила писмо од Дилан во кое објаснува дека е спречен да присуствува на доделувањето на Нобеловата награда за литература во декември во Стокхолм.

– Се надевав дека лично ќе ја примам наградата, но за жал ме спречија други обврски. Се чувствувам неверојатно почестен што ми е доделена Нобеловата награда, пишува Дилан во писмото.

Академијата истакна дека ја почитува одлуката на Дилан, но оти е невобичаено за добитниик на Нобелова награда да не се појави на церемонијата.

– Боб Дилан наградата мора да ја прими во рок од шест месеци. почнувајќи од 10 декември. Тоа е единствено барање, потенцира Академијата.

Неколкумина претходни добитници на Нобеловата награда од различни области не присуствуваа на доделувањето – Дорис Лесинг поради старост, Харолд Пинтер беше во болница, а Елфриде Јелинек имаше социјална фобија.

Оваа петгодишна Русинка е прогласена за најубаво девојче на светот

A V

08:41, 17 ноември

Наследничка на Тилан Блонду од Франција и Кристина Пименова од Русија, носителки на титулата „најубавото девојче на светот“, е петгодишната Русинка Анастасија Књажева.

Тилан, која денес има 12 години, пред две години предизвика своевиден скандал со своите фотографии во списанието Vogue, за кое позираше со шминка и во потпетици. Десетогодишна Кристина, пак, со своето доаѓање од Москва во Лос Анџелес, веднаш го заведе светот, па потпиша договор со агенцијата L.A. Models.

Сепак, сега тие имаат силна конкуренција во двојно помалата Анастасија, која е прогласена за „најубавото девојче на светот“.

Малата убавица, чии што профили на социјалните мрежи сепак ги уредува нејзината мајка, има продорни сини очи и светла иднина на топ модел пред себе.

Малку контроверзен метод: Неверството како терапија за незадоволство во бракот

A V

08:26, 17 ноември

Во минатото, разводот оставал бреме на срам врз разведените. Денес, тоа бреме лежи врз луѓето што ќе одлучат да останат во врската во која се незадоволни.

(29) му дозволува на сопругот да има авантури кога излегува со другарите, бидејќи тој многу сака дете, а таа е концентрирана на кариерата, па на тој начин го „компензира“ она што не му го дава. Според статистиката, на 2,7 двојки доаѓа еден прељубник, што значи дека секоја трета двојка има по еден неверен партнер. Според истражувањето, 85% од луѓето ја осудуваат прељубата, но 60% мажи и 45% жени и самите биле неверни. Токму оваа статистика принуди голем број терапевти, кои до вчера настојувале да спречат неверство, да размислат за тоа што носи прељубата и да ѝ пристапат на поинаков начин.

„Речиси сите сексуални терапевти веруваа дека не постои начин за закрепнување на бракот во кој се замешало трето лице“, смета сексуалната терапевтка д-р Тами Нелсон, една од зачетничките на оваа струја, и додава: „Но денес двојките се многу помалку попречени од правни, морални и општествени норми кои ги спречуваа нашите родители да бидат неверни.“

Д-р Нелсон смета дека поради таквиот начин на живот сме станале почувствителни за прељуба, па на своите клиенти им помага да ги договорат правилата за изневерување, кои ќе имаат најмалку последици врз нивната врска. Сето тоа го опиша во книгата „Нова моногамија“, во која објаснува дека е клучен т.н. договор на моногамијата, кој содржи сет од насоки кои партнерите мора да ги одредат уште пред врската да им стане сериозна, а во кои е дефинирано што е прифатливо за нив, а што не е, т.е. каде се границите на неверството.

„Не мора да потпишете писмен договор, но мора јасно и прецизно да се договорите како сакате да изгледа вашата моногамија“, објаснува д-р Нелсон, која договорот го нарекува предбрачен договор на срцето, кој наместо финансиите ви го заштитува срцето. Звучи како радикален и неморален концепт, но д-р Нелсон истакнува дека секој од нас веќе има имплициран договор во својата потсвест, кој се подразбира, иако со партнерот не разговарал за него.

На пример: „Тој веќе нема да гледа порнографија бидејќи е со мене“ или „Сигурен сум дека таа знае дека бакнежот со друга жена во пијана состојба не се смета за прељуба“. Со вербализација на своите погледи за неверството во самиот почеток на врската ќе се спасите од евентуална болка подоцна, кога ќе сфатите дека имате различни одговори на прашањата: „Дали е во ред да се гледам со бившиот? Дали треба да кажеме кога мастурбираме? Дали онлајн-флертот се простува? Дали блиското пријателство со колегата спаѓа во емотивно изневерување?“. Барбара (28) и Роберт (34) одлучиле да ја зачинат врската со „секс во тројка“. Се договориле третото лице да биде маж, бидејќи Барбара била многу љубоморна. И цело време, тие двајца да одржуваат контакт со очите и со допири. „Нашата врска е многу посилна сега, бидејќи и двајцата сме целосно отворени еден кон друг“, објаснува Барбара.

Печени јаболка – вкусен лек против болно грло

A V

08:20, 17 ноември

Печените јаболка се одличен лек против болно грло. Најважно е да не бидат врели, туку умерено топли.

Многу одамна е утврдено дека јаболкото е здраво, а виенскиот експерт за здрава храна и исхрана, професор Хадемар Банкхофер, открива колку се здрави кога се печени. Тој вели дека јаболката подготвени на во овој начин се одличен лек против болно грло.

Овие проблеми можат да се отстранат со три печени јаболка, кои треба да се јадат едно по друго.

Која е тајната на печените јаболка?

За време на печењето, во јаболката доаѓа до создавање на посебни соединенија на ензими и биоактивни супстанции. „Овие соединенија во слузницата на устата, грлото и гласните жици ја активираат способноста на телото само да се излечи“, вели професорот Банкхофер.

Обама на приватна вечера со Меркел во Берлин

A V

08:08, 17 ноември

Американскиот претседател Барак Обама ја почна својата посета на Германија со приватна вечера со германската канцеларка Ангела Меркел во Берлин, јавува Билд.

Белата куќа соопшти дека станува збор за „неформална и приватна“ вечера во хотелот во кој престојува Обама. На новинарите што го придружуваат американскиот претседател им е забранет пристапот.

Обама и Меркел утре ќе имаат официјална средба, по која ќе одржат конференција за новинарите.

Покрај средбата со германската канцеларка, за која Обама изјави дека е една од неговите најблиски партнерки во меѓународните односи, тој ќе се сретне со лидерите на други важни европски земји, како Британија и Франција.

Последната меѓународна турнеја на Обама завршува во Перу. Тој е претседател до 20 јануари 2017, кога ќе биде инаугуриран Доналд Трамп.

Во Тексас откриено недопрено лежиште на нафта кое се проценува на 900 милијарди долари

A V

08:04, 17 ноември

Во Пермијанскиот базен на територија на сојузната држава Тексас е пронајдено најверојатно најголемото наоѓалиште на сурова нафта кои и според сегашните ниски цени има фантастична вредност од 900 милијарди долари со можна експлоатација на 20 милијарди барели на нафта.

Откритието може да биде три пати поголемо од она во регионот Бакен, во сојузната држава Северна Дакота, најголемо наоѓалиште на неконвенционална нафта кога и да било пронајдено.

Фактот дека ова откритие од 20 милијарди барели нафта се наоѓа токму во оваа област, покажува дека дури и во области каде веќе се експлоатирани милијарди барели нафта, постои потенцијал да бидат пронајдени милијарда повеќе, вели во соопштение Валтер Гвидроз, координатор на програмата за геолошко истражување.

Пронајдок дава кредибилитет на оние кои мислат дека Пермиан басенот може да има 75 милијарди барели нафта од шкрилци. Тоа би било второ по големина наоѓалиште, веднаш по наоѓалиштето Гавар во Саудиска Арабија.

Пермиан басенот е извор на сурова нафта од почетокот на 1920-те години на минатиот век. Според некои извори, слојот на нафта од шкрилци стои се` уште нечепнат.

Кои ќе му бидат противкандидати на Панчевски за претседател на Кривичен скопски суд

A V

07:29, 17 ноември

Судиите Владимир Туфегчиќ, Иван Џолев и актуелниот претседател на Кривичниот суд Владимир Панчевски се кандидатите за претседател на Основниот суд Скопје 1 или Кривичниот скопски суд кои досега поднеле апликации до Судскиот совет, од извори на советот пренесува НоваТВ.

Владимир Туфегчиќ прв пат се кандидираше за претседател на суд во 2011 година. И покрај многубројните шпекулации во јавноста дека истражниот судија Туфегчиќ што го водеше случајот „Пајажина“ ќе добие унапредување и тоа како претседател на повисокиот, Апелациски суд, тоа не се случи.

Тој од позицијата истражен судија го водеше и случајот „Монструм, а долго време беше и портпарол на Кривичниот суд пред да се вработат професионални служби. Туфегчиќ денеска се уште е во Кривичниот суд и работи како судечки судија на кривична материја.

Судијата Џолев во моментов работи во Кривичниот суд во одделот прекршоци, каде што, според написите на медиумите таму завршил поради освета и притисоци од страна на претседателот на Кривичниот суд. Ова беше и повод судијата Џолев да поведе кривична постапка против Панчевски.

А во трката со Џолев и Туфегчиќ е и нивниот претседател Владимир Панчевски кој пак ќе бара втор мандат. Тој во последните неколку недели стана најактуелниот правник во земјава поради негативниот ПР на судот кој го води – од забелешкитте на извештајот за напредок на ЕК дека во Кривичниот суд се вршат притисоци за неодлучување по притворите кои ги бара СЈО, до обвинувањата на колегите за притисоци и јавните и груби пресметки со еснафот и медиумите, но и пријавите за нелегални спратови на градби во центарот на Скопје.

Минатата недела во интервју за 360 степени, претседателката на Врховниот суд, Лидија Неделкова, која важи за блиска до одредени структури во власта и чиј углед не е беспрекорен во поглед на обвинувањатта за партиски мешања, изјави дека „тој не заслужува втор мандат“.

Огласот за избор на претседател на Кривичниот суд е објавен на 7 ноември годинава, а кандидатите можат да се јавувааат 15 дена или до 21 ноември, односно следниот понеделник. До денеска се јавиле само овие тројца кандидати.

Согласно процедурите, претседателот треба да се избере на 4 декемри, но поради изборниот период тој веројатно ќе се бира во јануари.

Позицијата претседател на Кривичниот суд во Скопје е една од неколкуте најпрестижни во судството. Таму се предметите предничат и во однос на обем и во однос на тежина, особено кога станува збор за делата од оранизиран криминал и корупција. Позицијата носи моќ, па затоа истата е и кревка на влијанија од центрите на политиката и бизнисот. Ова и не зачудува имајќи во предвид дека во општеството речии и не постојат граници помеѓу државата и партијата, ако се суди по критиките во домашната и странската јавност.

Во директен судир на Пежо и автобус од ЈСП загина девојка во Скопје

A V

07:21, 17 ноември

24-годишната девојка Д.П го загубила животот при судир на патничко возило Пежо Партнер со автобус на ЈСП кај вториот надвозник во населбата Гоце Делчев.

Лекарите се обиделе со реанимација, но тие обиди останале безуспешни, па 24-годишната девојка околу 18 часот им подлегнала на повредите. Телото на починатата девојка ќе биде преземено од службите на АД Бутел и ќе биде пренесено во судска медицина.

Во сообраќајната несреќа кај вториот надвозник во населбата Гоце Делчев, учествувале две моторни возила, автобус на ЈСП, управувано од Т.П и автомобил марка „пежо партнер“ со скопски регистарски таблички со кој управувала Д.П, велат од МВР.

Во несреќата со тешки телесни повреди се здобила Д.П, па со возило на брза помош била пренесена некаде околу 17.30 часот. Лекарите се обиделе со реанимација, но тие обиди останале безуспешни, па таа околу 18 часот им подлегнала на повредите. Телото на починатата девојка ќе биде преземено од службите на АД Бутел и ќе биде пренесено во судска медицина.

1...4.2624.2634.264...4.361 Page 4.263 of 4.361