За поголема гледаност на емисиите и поголем публицитет и внимание, водителите и нивните гости очигледно се подготвени да направат сè. На овие од видеото им текна да пробуваат Кама Сутра пози во емосија во живо. И добро им одеше.
Чави: Само ТОЈ може да ја засили Барса!
Легендарниот плејмејкер на Барселона, Чави Ернандез го посочи Филипе Кутињо како најдобар играч за врска во овој момент и истакна дека Бразилецот е еден од ретките фудбалери кои можат да ја засилат Барса.
„Нема подобар играч за врска од Кутињо во фудбалска Европа во овој момент, а тоа значи и во светот. Секогаш покажувал големи квалитети, но сега под водство на Клоп доби константност и тоа е навистина феноменално. Кутињо се наоѓа во идеалниот клуб за да продолжи со развивањето, а исто така го има и најдобриот тренер за тоа“, истакна Чави.
Веќе подолго време медиумите тврдат дека Кутињо е главна трансфер цел на Барселона, а Чави само го „аминуваше“ изборот на својот поранешен клуб.
„Со оглед на тоа како игра, нормално е што неговото име се поврзува со други големи тимови, но моја препорака е да се концетрира на играта и да ги игнорира сите шпекулации. Го велам тоа бидејќи сметам дека Ливерпул има сериозни шанси да ја освои титулата оваа сезона со него во тимот. Сепак, нема многу играчи во светот кои можат да ја засилат Барселона, но повеќе од јасно е дека Кутињо е еден од тие ретките. Тој технички е феноменален и перфектно би се вклопил во системот на Барселона“, заклучи Чави.
Знаат како да ви земат што повеќе пари: Apple „сликовница“ од 300 долари
Apple пронајде уште еден начин како на своите најголеми и напосветени фанови да им извлече уште некој грош од џебот, а овој пат станува за книга.
Поточно, станува збор за две книги со наслов Designed by Apple in California, а како што е случај со сите други нивни производи, и овој доаѓа во две верзии. Поголемата чини 300 долари, а помалата 200 долари.
Внатре се наоѓаат 450 фотографии од старите и новите „гаџети“ кои ги фотографираше Ендру Закерберг, а се тврдо вкоричени во формат на бела книга и посветени на починатиот Стив Џобс.
„Иако станува збор за книга посветена на дизајнот, таа не се занимава со тимот дизајнери, креативниот процес, ниту пак со развојот на производите. Ова е објективен пресек и приказ на нашата работа кој, иронично, не опишува кои сме ние. Го опишува начинот на кој работиме, зборува за нашите вредности, интереси и цели. Отсекогаш сме се надевале дека нас ќе не дефинира она кое го работиме, а не она кое го говориме“, вели Џонатан Ајви.
Иако некои сметаат дека оваа книга е уште еден доказ дека компанијата го изгубила компасот и го прави она кое Стив Џобс никогаш не би го направил, Ајви тврди дека за издавањето на ваква книга се размислувало уште додека Џобс беше жив. Во интервју за Wallpaper, Ајви откри уште еден интересен детал – Apple нема архива од сопствените производи.
„Голем дел од производите кои можете да ги видите во книгата ние ги немаме и бевме принудени да ги купиме“, објаснува тој.
Колку и да се чини бесмислено, Apple веројатно ќе пронајде купувачи за нивната сликовница, бидејќи и покрај повремените слаби резултати, последните неколку години бизнисот им оди добро.
1. Apple III
Секој примерок од овој производ кој се најде на пазарот требаше да биде поправан, а компјутерите се прегреваа бидејќи немаа отвори за ладење и вентилација (на што Џобс тогаш инсистирал). Тоа резултираше со разорни хардверски штети и дефекти. Еден од начините на кој можеше да се „поправи“ компјутерот беше малку да го подигнете истиот и да го потфрлите, за чиповите да се вратат на вистинското место. Секако, и покрај овие пропусти, уредот беше прескап.
2. iPod Shuffle (трета генерација)
Да нема забуни, Shuffle е добар mp3 плеер. Првите две генерации беа супер, но третата имаше целосно бесмислен принцип на контрола кој од уредот беше целосно префрлен на слушалките. Пример, со два клика се префрлате на следната песна, три клика во првите шест секунди од песната ве префрлаа на претходната и така натаму. Тоа беше хаос од комплицирани команди и доказ дека Apple се упорни во своите опсесии со минимализам дури и тогаш кога тоа нема никаква смисла.
3. Pippin
Ако не сте знаеле, Apple имаа и сопствена конзола. На пазарот се појави во 1996 година, а намерите им беа најдобри – воведување online игри, но превисоката цена од 600 долари и фактот дека конзолата не беше ништо подобра од далеку поевтините конкуренции, резултираше со целосен неуспех.
4. Обични и безжични слушалки
Популарните „бубачки“ сами по себе се непрактичен производ, но за компанија која толку се грижи околу сопствените дизајнерски решенија, EarPods и AirPods беа неописливо лошо дизајнирани слушајки. Испаѓаа од ушите, лесно се кршеа, немаа добра репродукција на звук, а цената им беше превисока, посебно на вторите.
5. Apple Maps
Apple се обиде да упадне и на теренот од Google и целосно да ги засени. Конечниот резултат? Исклучително лоши и непрецизни мапи кои ве водеа на погрешни места. Конечниот производ беше толку катастрофално лош што дури и од Apple на своите корисници им сугерираа да се држат до производот на Google.
6. Бесплатен музички албум од U2
Apple многу малку работи ги дава беспари, или поточно речиси ништо не дава беспари. Кога еднаш решија да го направат тоа, ви подарија музички албум кој никој ниту го бараше, ниту го сакаше на својот уред. Вистина, луѓето малку пребурно реагираа на најобичен албум, но и компанијата непотребно ја иницираше расправата за тоа што сè може да вметнува во проиводите без знаење на корисниците.
7. Quick Take
Уште во средината на ’90-те Apple се обиде да влезе на релативно новиот пазар за дигитални камери. Немаа успех во тоа. Сакаа да докажат дека се пред времето, и тоа им појде од рака во извесна мера. Што се однесува на квалитетот на фотографиите, тоа беше очајно.
8. Кабли
Неверојатно е колку каблите од Apple уредите се со лош квалитет. Секој кој барем еднаш користел производ од Apple, добро знае дека за неколку месеци ќе мора да купува нов кабел или барем една од многубројните и далеку поевтини варијанти кои ги има на широкиот пазар, а кои, грубо кажано, траат подолго од оригиналот.
9. Apple Watch
Колку и да се трудеа од Apple својот паметен часовник да го претстават како нешто револуционерно, на луѓето едноставно не им беше гајле за тоа. Apple Smart Watch, во најдобар случај, се само симпатична и проклето скапа играчка. Затоа и продажбата одеше толку слабо, што од компанијата бројките за истата ги прикажуваа во комбинација со оние од Apple TV, iPod и други додатоци.
10. Реченицата „Овогодинешниот iPhone е најдобар досега“
Еден од најсмешните обиди да не убедат во квалитетот на нивните уреди е „мантрата“ што ја мантраат на секоја презентација, неуморно повторувајќи дека најновиот iPhone е нивниот најдобар производ досега. Секако дека ќе биде најдобар досега, оти е најнов, нели? Каков би можел да биде, освен најдобар? Нема веројатно да биде полош и послаб, а поскап од претходнико?Проблемот лежи во тоа што оваа упорно повторувана реченица не е доволно силна причина за да не убедат дека нивниот најнов производ ни е потребен. Сепак, иако е најдобар, што е нормално, тој е само незначително подобар од неговиот претходник.
Меси ја продолжи војната со новинарот!
Новинарот кој предизвика бес кај Лионел Меси и останатите аргентински репрезенативци со објавата дека Езекил Лавеци пушел марихуана не остапува од своите тврдења и спремен да иде на суд.
Аргентинските репрезентативци предводени од Лео Меси во вторникот најави бојкот кон медиумите. Микрофонот го зеде Меси и изјави дека никој од играчите повеќе нема да дава изјави за медиумите.
„Трпевме многу обвинувања и недостаток на почит и никогаш не рековме ништо. Знаме дека многу од вас не се такви, но да правите проблеми во нечиј приватен живот е многу сериозна работа“, изјави Меси.
Тоа беше реакција на објавата на новинарот Габриел Анело кој тврдеше дека Лавеци пушел марихуана во кампот на репрезентацијата.
Лавеци експресно се демантираше и најави тужба против новинарот, но Анело тоа воопшто не го погоди. Истакна дека целосно стои зад својата изјава и се надева дека случајот ќе заврши на суд.
„Се надевам дека Лавеци ќе ме тужи за да можам да изнесам на видело уште валкани работи“, изјави Анело.
Родителите им оставиле 15.000 евра кеш – ги ставиле во банка и им зеле данок 10.500 евра
Прописите се јасни: приходот за кој не може да се докаже од каде потекнува, се оданочува со 70 отсто, објаснуваат од Управата за јавни приходи.
Скопјанец, кому родителите по нивната смрт му оставиле 15.000 евра, што ги чувале „под перница“, решил да ги однесе во банка. Но, по извесно време тие му биле оданочени со данок од 70 проценти, односно му биле одземени 10.500 евра, пренесува порталот ПлусИнфо.
Упатените објаснуваат дека ова не е единствен случај. Голем број граѓани, исплашени од случувањата по распадот на поранешна Југославија, кога парите им останаа заробени во банките, своите заштеди долго време ги чувале под перница, за да подоцна почнат да ги внесуваат во банките. Но, сега тие се соочуваат со нов проблем – да докажат како се стекнати тие пари. Во спротивно, ќе им бидат оданочени – поточно одземени – повеќе од половина. Бидејќи се уште нема регулатива со која таквите пари ќе бидат легализирани, и од која ќе бидат задоволни „двете страни“, излегува дека на граѓаните им е поисплатливо и натаму да ги чуваат дома.
Банкарите објаснуваат дека, според Законот за спречување на перење пари, имаат обврска да направат таканаречена анализа на клиент, доколку тој внесе на сметка сума од 15.000 евра, или поголема, независно дали е во девизи или во денари. За такви трансакции банкарите мора да ја известат Управата за финансиско разузнавање. Таа го анализира секој случај поединечно и во зависност од наодите, испраќа документи до некоја од надлежните институции. Ако документот стигне до Управата за јавни приходи, таа почнува постапка за утврдување на потеклото на имотот. Ако не може да се докаже како е стекнат, имотот се оданочува со персонален данок од 70 проценти.
Во УЈП велат дека вакви случаи имало и се уште има. Потенцираат дека регулативата е прецизна и дека тие во многу наврати ја информирале јавноста.
За тоа постојат годишни даночни пријави. Ако некој не пријавил приход за оданочување, ако има несразмерни примања во споредба со тоа што го поседува, нормално е да се постапува. Во посебните постапки за утврдување персоналниот данок, Управата утврдува дали лицетo поседува имот или располага со средства поголеми од оданочените, кои потекнуваат од приходи за кои не е утврден данок или не може да се докаже нивното потекло. Основа за пресметување на данокот претставува разликата помеѓу вредноста на имотот и докажаната висина на средствата за нејзино стекнување. Данокот на непријавените приходи се пресметува по стапка од 70 проценти, објаснуваат во УЈП.
И од Народната банка потврдуваат дека постојат заштеди што не се внесени во банкарскиот систем. Но, исто така, постојат сознанија дека еден дел од овие пари, особено во времето кога имаше повисоки каматни стапки, граѓаните ги внесоа во банките. Дел од тие заштеди „настрадаа“ од даночната регулатива.
Според извештајот за 2015 година на Управата за финансиско разузнавање, банките и штедилниците лани до Управата доставиле 84.912 извештаи за готовински трансакции на фирми и на граѓани од 15.000 евра или повисоки или за неколку поврзани трансакции што го надминуваат овој износ.
Не сите пријави биле оданочени со 70 проценти. Управата за јавни приходи го утврдува данокот врз основа на податоците во даночната пријава, деловните книги што ги води обврзникот, службените податоци со кои располага УЈП и врз основа на други податоци и докази до кои ќе дојде во постапката за утврдување на данокот.
Рики Мартин ја објави веридбата со сирискиот уметни Јван Јосеф
Порториканскиот пејач Рики Мартин официјално ја соопшти свршувачката со неговиот партнер, арапскиот уметник Јван Јосеф. Пејачот веста ја објави во средата, на гостувањето во шоуто на Елен ДеГенерис.
Парот се запозна пред нешто повеќе од една година, за време на изложбата од Јосеф, а Мартин изјави дека до уши е вљубен во 32-годишниот уметник кој е роден во Сирија, но пораснал во Шведска.
„Ги видов неговите уметнички дела и навистина многу ми се допадна неговата работа. Оригинален е. Го контактирав и така почна сè“, вели 44-годишниот Мартин.
Кога се сака – се може: Загрепчанка со автостоп стигна до Бора Бора
Ана Бакран користејќи само автостоп како превоз си ја исполни својата желба и од Загреб стигна на рајската дестинација Бора Бора. Своето авантуристичко патешествие го започна во април, 2013 година, а деновиве, три и пол години подоцна, најпосле стигна на својата одредена дестинација.
„Ќе те силуваат, ќе те убијат, не знаеш што правиш, невозможно е со автостоп да стигнеш дотаму“, беа некои од песимистичките и негативни муабети и коментари кои Ана ги слушаше додека патуваше, но не дозволи истите да ја поколебаат и одвратат од реализација на својата намера.
Измина 70.000 километри и посети 25 различни земји, а за својата авантура вели:
„Се трудев да не го прекршам своето единствено правило и да не платам за ниту еден превоз на патот до Бора Бора. Сепак, имаше ситуации кога едноставно немаше друг избор освен да платам за пат. Граничната полиција во Туркменистан и Кина не сакаше да ме пушти со автостопирање или пешачење да поминам меѓу двете локации за проверка на документи на границата, туку ме принудија да платам минибус ако сакам да влезам во државата“.
Првата година патувала со уште 18 автостопери кои ги запознала на патувањето, а втората и третата година одлучила да продолжи сама. За патувањето штедела свои пари.
„Самото патување не ме чинеше многу пари, бидејќи патував исклучиво автостоп, а спиев во вреќа за спиење на плажи, по паркови, бензиски станици и слично. Одморав попатно, кај локално население кое ќе ме поканеше на гости, а понекогаш и во хостел. Трошоците ми беа сведени на храна, хигиенски потреби, осигурување и понекогаш за хостел и виза“, вели Ана.
Ги пробала сите автентични локални кујни, од змија, преку морски плодови, до црвје, шкорпии, тарантули и готвени кучиња, за на Тајланд, по игра на случајност, да се преориентира кон веганската кујна и да стане веган.
И после три и пол години патување, на Ана не ѝ е доста од тоа. „Планирам ново патување и тоа со својата мала внука која има деветгодини и се вика исто како мене, Ана. Кога заминав на пат уште не беше тргната во школо, а сега веќе оди во четврто одделение. Своето семејство го немам видено три и пол години, но цело време ми беа неверојатна морална поддршка. На внука ми ѝ ветив дека веднаш после Нова година ќе ја носам на патувачко изненадување, но не сакам да ѝ ја откријам дестинацијата до моментот на тргнување со авион“; открива Ана.
Затоа, следен пат кога ќе помислите дека не можете да направите и постигнете нешто, потсетете се на Ана, која е доказ дека желбите и соништата можат да се остварат ако сте доволно посветени и упорни.
Луд и опасен потфат: Погледнете како Хрвати лансираат буриња во воздух
Обичајот е уште познат и како „летечка свиња“, а е традиционален во Загорје и го прават за Велигден и некои други празници.
Плоча со 10-те божји заповеди стара 1.500 години продадена за 850.000 долари
Камена плоча стара 1.500 години со најстариот издлабен текст на Десетте божји заповеди во средата беше продадена на аукција за 850.000 долари.
Четвртастата плочка во бел мермер висока 61 сантиметар и тешка 50 килограми ја купи анонимен купувач на наддавањето кое се одржа во Беверли Хилс.
Досега беше сопственост на рабинот Шаул Дојч, основач на еврејските музеи во Бруклин и Њујорк, кој од новиот сопственик побара да мора задолжително јавно да ја изложи, беше објавено од аукциската куќа. На плочата, во дваесет реда, со самариќанско писмо се испишани клучните начела на јудаизмот и христијанството.
Се претпоставува дека настанала во рановизантискиот период, помеѓу 300 и 500 година после Христос, како и дека некогаш се наоѓала на влезот од синагога која веројатно била уништена од Римјаните. Плочата беше откриена во 1913 година, при изградба на железничка пруга кај израелскиот град Јавнех.
Некој од градежните работници ја пронашол, ја зел и ја поставил во својот двор, каде стоела до 1943 година, кога стигнала во рацете на археолог кој ја поседувал до својата смрт во 2000 година.
Дојч плочата најпрвин ја позајмил на израелската археолошка управа за изложбени потреби, а потоа ја купил истата.
Емили топлес на плажа – атракција за машки очи и материјал за папараците (18+)
Моделот и актерка Емили Ратајковски по Instagram започна да се разголува и во живо. Бујната црнокоса уживаше во топлес попладне заедно со своите пријателки на плажите во Канкун, Мексико.
Ратајковски (25) го искористи денот за да го спушти едноделниот костим за капење и да ги извади на мегдан голите гради. Дел од пријателите и се придружија во топлес предизвикот, па дури и ја фотографираа гола.
Не знаеме каде завршија тие фотографии, но благодарение на папараците не сме пропуштиле многу.
