Диск голф го освојува светот, а го нема во Македонија!? ↓↓↓
Веројатно на чудење на голем број обожаватели на овој пијалок, рускиот психијатар и токсиколог Данил Покровски тврди дека пивото е најштетно за здравјето на луѓето, додека сувото црвено вино е најмалку штетен алкохолен пијалок од оние кои најчесто ги консумираме.
Покровски смета дека пивото е најопасниот алкохолен пијалок што предизвикува најголема штета на здравјето на луѓето, и треба да се забрани.
„Алкохолот е најмалку штетна состојка во пивото. Другите компоненти кои му даваат вкус на пивото, бојата, пената се многу штетни за здравјето на луѓето, вклучувајќи ги и оние супстанции што содржат кобалт“, објасни рускиот експерт.
Тој посочи дека супстанцијата е кардиотоксична и дека дозволената дневна доза била содржана во 375 милилитри пиво.
„Металите што содржат пиво предизвикуваат кардиопатија, маснотии околу срцето, а патологијата е често придружена со смрт на заболено лице“, посочува Покровски.
Лекарот го наведе примерот на средновековните уметници кои работеле со боја базирана на кобалт. Наводно, ниту еден од нив не доживеал старост поради токсичноста на металот.
Исто така, истакна дека љубителите на пиво можат да бидат отруени и со кобалт.
Покровски додаде дека најмалку штетен алкохолен пијалок е сувото црвено вино, бидејќи е особено богато со витамини, елементи во трагови и антиоксиданти.
