Александар Вучковски - сомелиер: Како македонските вина го освојуваат светот? ↓↓↓
Пороците, уживањето во хедонистичкиот стил на живеење и уште некои работи го дефинираат степенот на здрав живот кој го води една нација.
Според новото истражување на „Клиник компеар“ (Clinic Compare), Чешка е најмалку здрава земја во светот, а во првите десет земји се девет од Источна Европа. Најздрава земја е Авганистан.
По прибирањето податоци од Светската здравствена организација (СЗО), направена е анализа за консумација на алкохол, цигари и превенција на дебелина во 179 земји во светот.
Според резултатите од анализата, Чешка е најмалку здрава, бидејќи секој жител во просек годишно пие 13,7 литри алкохол. Во однос на цигарите, Чесите се на 11. место.
На второ место е Русија, па следат Словенија, Белорусија, Словачка и Унгарија. Со оглед на тоа дека девет земји од Источна Европа се меѓу првите десет места, овој регион е прогласен како најмалку здрав. Единствено исклучок се САД кои го делат десеттото место со Литванија.
Според истражувањето, најдебели луѓе има во Океанија.
