Турската, но и целокупната фудбалска јавност беше потресена од несреќата во која животот го загуби Јозеф Сурнал, играчот на Анталиспор.
Анталиспор вчера гостуваше кај Кајсериспор и тој натпревар заврши без победник 1:1. При враќањето од гостувањето дел од тимот, поточно седум фудбалер се враќале со минибус.
Покрај настраданиот Сурнал во минибусот биле уште Длајама, Баиано, Сисе, Велинтон, Саки и Калкер кои поминале со полесни повреди.
Сега турските медиуми ја откриваат причината за несреќата во која животот го загуби Сурнал и се изгледа повеќе трагично…
Имено, трагичниот настан се случил откако двајцата возачи на минибусот заспале.
Во ваквите минибуси секогаш има двајца шофери, а во моментот на оваа несреќа двајцата заспале. Тогаш тие се превртле неколку пати. Брзата помош пристигнала на местото на несреќата, но за Сурнал за жал веќе било доцна.
