Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
По одржувањето на седницата на Централниот Одбор на владејачката СДСМ, партиски извори велат дека лидерската средба која за денес ја закажа премиерот Зоран Заев е откажана поради одбивањето на лидерот на ВМРО-ДПМНЕ да присуствува на неа.
Лидерската средба на која денес требаше да се расправа за Законот за обвинителство, пописот, Изборниот законик и други актуелни теми, е откажана, пренесува Дојче Веле повикувајќи се на извори во СДСМ. Тоа на завечерашниот состанок на Централниот одбор на партијата го потврдил и партискиот лидер Заев.
Образложението било дека без присуство на првиот човек на ВМРО-ДПМНЕ Христијан Мицкоски нема причина да се одржува состанокот на кој требаше да присуствуваат и лидерите на ДУИ и Алијансата на Албанците, Али Ахмети и Зијадин Села.
Од ВМРО-ДПМНЕ вчера потврдија дека Мицкоски не планира да се појави на средбата доколку на неа не се разговара за организирање предвремени парламентарни избори.
„Како што пред неколку дена најави претседателот, нема да се појави на лидерската средба. И доколку има некаква лидерска средба, таа лидерска средба ќе биде само за разговор за предвремени парламентарни избори“, изјави претседателка на Унијата на жени на партијата, Благица Ласовска.
На Заев му се потребни гласовите на ВМРО-ДПМНЕ во Собранието за Законот за јавно обвинителство, кој е еден од условите за европската интеграција на земјата.
