Advertisements
Актуелно

Откако дозволија убиецот да се брани од слобода – потврдена казната затвор од 16 години

Судскиот совет пред Основниот охридски суд ја изрече казната од 16 години затвор на српскиот државјанин Бојан Угреновиќ за сторено кривично дело убиство на охриѓанецот Димитар Матилоски.

Првото судење за убиството пред кафе барот „Табана“ во Охрид на 1 јануари 2016 година заврши на 20 декември 2016 година кога Основниот суд во Охрид го прогласи обвинетиот за виновен изрекувајќи му единствена затворска казна во времетраење од 16 години.

Обвинетиот на првото појавување од процесот ја призна вината, изразувајќи каење за стореното дело и жалење за последиците, додека оштетените во случајот, роднините на убиениот Матилоски, од судот бараа најстрога казна, односно доживотен затвор.

Првата пресуда беше обжалена од одбраната на Угреновиќ пред Апелацискиот суд во Битола, кој поради забелешки го врати случајот на повторно судење.

Повтореното судење за убиството на Матилоски требаше да почне на 5 мај минатата година, а беше неколку пати одложувано поради формални причини, од неможност на службите да го доведат осомничениот поради презафатеност, преку непојавување на адвокатот на одбраната, сѐ до некои процедурални неусогласености.

На рочиштето закажано за 25 јули, минатата година, кога беа создадени услови за да почне процесот, обвинетиот го смени исказот и се произнесе за невин, што налагаше повторување на целиот процес со повторување на изјавите на сите сведоци од предметот, така што судењето требаше да почне лани во септември.

Поради правни недоследности, спротивно на наредбата на судот да не ја напушта земјата и да се јавува на надлежните органи, обвинетиот ја искористи можноста веднаш по укинувањето на мерката притвор да ја напушти земјата и од тогаш е недостапен за органите на прогонот.

Advertisements
To Top