Сузан Копич е фотографка, актерка и модел од Њујорк. Кога не е пред фотоапаратите и објективите, таа го зазема местото зад визирот од фотоапаратот и прави фикционални, мрачни и бизарни семејни сценарија и кадри во кои освен таа лично, се вклучени и нејзините ќерки и сопругот.
Во нејзината серија фотографии Domestic Bliss („Семеен благослов“), Сузан комбинира метафора, иронија и сатира за да создаде дијалог околу семејните теми, родителството и односите јукстапозиционирани во рамки на поширокиот контест на современото општество како контрола на оружјето, самоубиството и губењето на приватноста.
