Ослободен товарниот брод „Евер Гивен“ кој заринка во Суецкиот канал

By
A V
-

Игор Насковски: Како да станеш трагач на тартуфи и да заработуваш 5.700€ за 1кг! ↓↓↓

Огромниот товарен брод „Евер Гивен“ тежок 200.000 тони, кој натоварен со контејнери заринка во Суецкиот канал и ја блокираше оваа исклучително важна поморска сообраќајница е ослободен, а каналот наскоро ќе биде повторно пловен.

„Евер Гивен“, заринканиот товарен брод е во состојба да плови и моментно се врши негово обезбедување, соопшти бродската компанија „Евергрин“ преку Твитер. Предниот дел на бродот се оддалечува од западниот дел на каналот, покажаа независно една од друга две веб страници.

Со денови траеја обидите да се ослободи бродот со помош на багери и шлепери, а ноќеска, плимата предизвикана од полната месечина им помогна во напорите. Египетскиот претседател Абдел Фатах ал-Сиси претходно наредил растоварување на дел од контејнерите на бродот доколку „Евер Гивен“ не може да се ослободи на поинаков начин. Но, таков зафат, среде пустина, без неопходната логистика која ја пружа пристаниште, веројатно ќе траеше со денови или недели.

Притисокот врз надлежните растеше од час во час, заштозаглавениот брод предизвика застој – чекаат 370 брода, меѓу кои и 25 танкери со нафта. Економската штета веќе е огромна, според проценките на осигурителната компанија Алијанц, тие изнесуваат неколку милијарди долари дневно.

400 метри долгиот товарен брод на јапонско претпријатие беше на пат за Ротердам, кога во вторникот заринка при преминувањето низ Суецкиот канал и целосно го блокираше. Не се знае кога точно повторно ќе почне пловидба низ каналот.

Суецкиот канал, долг 193 километри, го поврзува Средоземјето со Црвеното Море и го скратува патот меѓу Азија и Европа. Во 2020 година низ речната сообраќајница поминале речиси 19.000 бродови, таа е клучен коридор за сурова нафта и увоз на стоки во Европа.

RELATED ARTICLESMORE FROM AUTHOR