Официјално: Тој е најдобриот изведувач на пенали во историјата на шпанска Примера


Вака се слави гол во 120-та минута!!! ↓↓↓


Заедно со триумфот на Реал Мадрид на гостувањето кај Виљареал, со резултат од 3:2, во пакет дојде и уште еден, нов рекорд во шпанскиот шампионат.

Во 57-та минута, со гол од единаесет метри, Кристијано Роналдо стана најефикасниот изведувач на пенали во историјата на Примера со вкупно 57 погодоци. До претходно Португалецот го делеше врвот од оваа листа со Мексиканецот Хуго Санчез, некогашен напаѓач на Реал и Атлетико Мадрид, и Рајо Валекано.

Трет најдобар изведувач на сите времиња од белата точка во Примера е Роналд Куман, бивш играч на Барселона, со 46 голови. Четвртото место го делат Лионел Меси и Љубосав Пенев, некогашен фудбалер на Валенсија, Атлетико Мадрид и Селта, кои ја имаат протресено мрежата со удар од единаесет метри по 43 пати.