Александар Вучковски - сомелиер: Како македонските вина го освојуваат светот? ↓↓↓
Актуелниот претседател на Кривичниот суд, Владимир Панчевски, и судиите Иван Џолев и Владимир Туфегџиќ се тројцата кандидати за претседател на Основниот суд Скопје 1 – Скопје и тие ќе бидат оценувани за нивата работа во текот на 2015 година, па сè до 7 октомври оваа година, кога беше распишан огласот за избор на претседател на Судот. Истата постапка важи и за кандидатите за претседател на Врховниот суд, за актуелната претседателка Лидија Неделкова, како и за нејзините противкандидати судиите Јово Вангеловски, Снежана Бајлозова и Беса Адеми.
Судскиот совет на денешната седница, која се одржуваше зад затворени врати, донесе одлука да се изврши вонредно оценување на кандидатите за претседател на Кривичниот суд и на Врховниот суд.
Според Законот за судски совет, се дозволува вонредно оценување на кандидатите за претседателската функција на овие два суда бидејќи во последните две години не била евалуирана работата и квалитетот на судиите кои сега се во трка за претседателското место.
Актуелниот претседател на Кривичниот суд, Владимир Панчевски, и судиите Иван Џолев и Владимир Туфегџиќ се тројцата кандидати за претседател на Основниот суд Скопје 1 – Скопје и тие ќе бидат оценувани за нивата работа во текот на 2015 година, па сè до 7 октомври оваа година, кога беше распишан огласот за избор на претседател на Судот. Истата постапка важи и за кандидатите за претседател на Врховниот суд, за актуелната претседателка Лидија Неделкова, како и за нејзините противкандидати судиите Јово Вангеловски, Снежана Бајлозова и Беса Адеми.
Исто така, на денешната седница, членовите на Судскиот совет донесоа заклучок со кој се задолжува Комисијата надлежна да ја следи работата на Основниот суд Скопје 1 – Скопје, во согласност со годишниот распоред на работата на Судскиот совет на Република Македонија, да преземе дејствија и да изврши извиди во врска со состојбите во Основниот суд Скопје 1 – Скопје и да изготви извештај. Беше разгледан и Извештајот од работната посета на Апелациониот суд Битола и Основниот суд Битола. Донесена е одлука за времено упатување за вршење на судиска функција на судијата Емил Глигоров од Основниот суд Струмица во Основниот суд Берово, за период од 6 месеци од денот на упатувањето.
Судскиот совет ги разгледа и ги усвои извештаите за работата на судовите во Република Македонија за третиот квартал за 2016 година.
