Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Се одложи судењето за насилствата во Собранието што се случија на 27 април кога беа нападнати пратеници и новинари.
Денеска на обвинителна клупа требаше да седнат деветмина осомничени, но рочиштето се одложи бидејќи еден од нив, Ангеле Зафировски не бил спроведен од домашен притвор.
Обвинителството ги товари за учество во топла. Пратениците од парламентарното мнозинство, како и дел експерти, сметаат дека делото треба да се преквалификува во потешко дело.
Пред Судот со транспаренти протестираа поддржувачи на осомничените. Судењето се одложи за на 23 мај.
За насилствата во Собранието се осомничени 30-тина лица, од кои на поголемиот дел им се изречени мерки за претпазливост, на дел куќен притвор, а двајца, односно татко и син, се во притвор за обид за убиство на пратеникот Зијадин Села.
Досега во Основното јавно обвинителство искази за случувањата во Собранието дадоа повеќемина пратеници, меѓу кои и лидерот на СДСМ и нов мандатар, Зоран Заев, и потпретседателката на СДСМ, Радмила Шекеринска, а вчера исказ даде и претседателот на парламентот, Талат Џафери.
