Диск голф го освојува светот, а го нема во Македонија!? ↓↓↓
Љупчо Стојановски или познат како дедото на Тамара, беше денес на суд, но судењето е одложено за следната среда.
Стојановски на 1 јуни минатата година пукаше во поранешниот министер за здравство, Никола Тодоров. Тој се товари за две кривични дела – обид за убиство и недозволено изработување, држење и тргување со оружје или распрскувачки материи.
Според она што го кажал пред полицијата, тој дошол утрината сам во Скопје. Кај себе имал повратен билет за Велес. Кажал дека тој напрвин го чекал Тодоров дома, но ексминистерот не се појавил. Потоа дошол пред Министерството за здравство и веднаш кога му се појавил пред очи, почнал да пука кон него. За среќа, Тодоров не беше повреден.
Пред судот требаше да бидат приложени нови психијатриски вештачења од ЈЗУ „Психијатриска болница – Скопје“, од кои треба да се утврди дали обвинетиот бил пресметлив кога го извршувал кривичното дело.
Извор: Макфакс
