Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Додека беше претседател, Махмуд Ахмадинеџад на работа одеше со автобус, а неговата жена работеше како чистачка во медреса (исламско училиште).
Светот го памети како жесток говорник додека беше на претседателската функција во Иран. Денес тој се занимава со овчарство и чува овци.
Во текот на неговиот мандат:
1. Американската телевизија Fox News го праша што си порачува кога ќе се погледне во огледало. Ахмадинеџад одговори: Во огледалото гледам човек и му велам – запамти, ти не си ништо повеќе од обичен слуга.
2. Кога прв пат влезе во претседателскиот кабинет, Ахмадинеџад зачуди многумина кога ги тргна скапите ирански (кај нас познати како персиски) килими и ги даде како подарок на една техеранска џамија, а ги замени со обични, евтини теписи.
3. Кога стана претседател, поднесе извештај за својот имот: автомобил Пежо 504-ка од ’77 година, и мала стара куќа во еден од најсиромашните делови на Техеран, наследена од татко му уште пред 40 години.
4. Една од пикантериите кои ги зачудија административците беше торбата со која претседателот Ахмадинеџад доаѓаше на работа секој ден. Во неа го носеше својот доручек, подготвен од жена му – неколку сендвичи или леб со маслиново масло и сирење.
5. Често им помагаше на чистачите на улици во делот од градот каде што живее и работи.
6. Кога отседнува во хотел, бара неговата соба да не биде со голем кревет, зашто не сака да спие на кревет, туку на подот, на душек покриен со ќебе.
7. За време на неговиот мандат, секој нов министер мораше да потпише документ со повеќе точки. Меѓу нив и дека ќе остане сиромашен, и дека неговите сметки и сметките на неговите роднини ќе бидат редовно проверувани.
8. Ахмадинеџад не примаше ниту претседателска плата, што го објаснуваше со тоа дека целото богатство треба да ѝ припаѓа на нацијата, а негова работа е да ги штити (и богатството, и нацијата).
9. Живее од плата на универзитетски професор во износ од 250 долари месечно.
