Тешко е да се поверува, но е вистина: дури и најубавата жена на 20. век, Одри Хепберн, имала комплекси.
Одри Хепберн и денес се смета за една од најубавите актерки во историјата на светската кинематографија. Освен што поседувала талент и убавина, имала и големо срце, поради што била сакана од обожаватели од сите возрасти и од двата пола.
Нејзиното детство било сè само не лесно. Заедно со својата мајка, пораснала во тешки услови за време на Втората светска војна: долги месеци минати во глад го измениле метаболизмот на идната актерка, па оттука ѝ доаѓало нејзиното вечно ниско телесно тегло – никогаш над 45 килограми. Многумина ѝ завидувале на совршената фигура. Одри сонувала да стане балерина, долго и напорно се подготвувала за тоа, но сите околу неа тврделе дека тој сон е невозможен заради нејзината висина – Одри била висока 170 сантиметри, што се сметало за премногу за една балерина.
По ова, се најде во светот на манекенството, а потоа и на филмот. Сите едногласно ја прогласиле за една од најубавите актерки на времето, но Одри и понатаму го криела она што таа го сметала за своја најголема мана, за која, иронично, делумно бил виновен и балетот. Актерката имала прилично големи стапала – број 41, што денес можеби звучи и смешно, но тогаш за неа било сериозен комплекс.
Тоа бил и останал нејзиниот најголем личен проблем, поради кој се родиле и прочуените балетанки. Салваторе Ферагамо специјално за Одри дизајнирал балетанки, по нејзино барање, со модели кои визуелно ги намалуваат нејзините стапала.
