Диск голф го освојува светот, а го нема во Македонија!? ↓↓↓
Со почеток од 1 јануари 2020 година стартува транзитната испорака на природен гас од „Турски поток“ кон Грција и Македонија. Ова го соопшти извршниот директор на „Булгартрансгаз“, Владимир Малинов.
Според него, компанијата ќе почне оваа недела да го полни со гас гасоводот од 11 километри и дека до 15 декември Бугарија ќе биде целосно подготвена за почеток на испорака на гас. Турција ќе се подготвува до 20 декември.
Минатата недела рускиот претседател Владимир Путин ја обвини Бугарија за намерно одлоговлекување на реализацијата на „Турски поток“. Тој истакна дека доколку Софија не сака да заработи за транзит на гас, Москва ќе најде други опции.
Бугарскиот премиер Бојко Борисов одговори дека изградбата е одложена поради процедурални причини. Тој изрази надеж дека гасоводот ќе биде целосно оперативен до крајот на следната година. Борисов рече дека земјата треба да биде единствен гасен центар на Балканот, што е договорено со ЕУ и САД.
