Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Од денеска на сила стапува мерката за замрзнување на цените на тестенините и на млекото и млечните производи. Ова вчера го најави министерот за економија Крешник Бектеши по разговорите со увозниците и производителите на кои им остави рок до денеска сами да ги намалат цените.
„Граѓаните да бидат спокојни, цените ќе бидат намалени, не само на овие производи, ние во континуитет ќе продолжиме со сите производи каде што ќе ни покажуваат анализите дека имаат поголеми профити или пак маржи од тоа што е редовно, што значи дека над 10 посто ќе има намалување во делот на тестенините, во делот на млечните производи ќе оставиме до утре, зашто гледам и самите ги намалуваат а ги повикувам до утре да направат исти чекори како што направија одредени компании.“, рече Бектеши.
„Над 10% ќе ги намалиме цените на тестенините, а за млечните производи, ќе оставиме за утре. Затоа јас ги повикувам производителите на овие продукти да ги намалат цените уште денеска, како што тоа го направија некои производители, а ако не ги намалат тие, ние ќе преземеме“, додаде Бектеши.
Владата од 1-ви март одлучи ја ограничи цената на белиот и полубелиот леб на 33 денари и покрај противењето на најголемите македонски пекари, кои најавија тужба против државата поради, како што велат, големите штети што ги претрпеле со оваа одлука.
