Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Со владина одлука донесена на вчерашната седница, на територија на цела Македонија од денес ќе мора да се носат заштитни маски, истовремено стапувајќи на сила скратен полициски час.
Според Уредбата, заштитна опрема на лицето мора да се носи на сите затворени јавни места каде има повеќе луѓе, како што се пазари, продавници, банки, пошти, државни и здравствени установи, јавен превоз. На отворен простор, маските мора да се носат на пазари и места каде не постои можност за одржување на физичко растојание од два метра.
Граѓаните нема да мораат да носат заштитна маска кога се наоѓаат во нивните дворови, кога возат велосипед, играат индивидуални спортови или се возат во автомобил со најблиските. Обврската за носење заштитна маска е веќе во сила во Куманово, Тетово и Прилеп, градовите каде најбрзо се шири вирусот.
Со олеснување на забраната за движење, полицискиот час секој работен ден, од понеделник до петок во целата држава ќе почнува од 19:00 часот до 05:00 часот наутро. За лицата над 67 годишна возраст ќе биде дозволено движење секој работен ден од 05:00 часот наутро до 12:00 на пладне. Младите лица до 18 години ќе може да излегуваат од понеделник до петок од 13:00 до 19:00 часот. За време на викендите. забраната за движење ќе почнува од 15:00 часот во сабота, а ќе трае до понеделник до 05:00 часот наутро. Во сабота, за лицата над 67 годишна возраст ќе биде дозволено движење од 05:00 часот наутро до 11:00 часот наутро, а младите лица до 18 години ќе може да излегуваат од 12:00 до 15:00 часот.
