Најскапата аквизиција во историјата на Арсенал, Пјер Емерик Обамејанг не можеше да го сокрие задоволството од трансферот.
Африканскиот напаѓач ја напушти Борусија Дортмунд и во првото интервју истакна дека е пресреќен што е дел од Арсенал и ќе го даде најдоброто од себе, за тимот да се врати на врвот.
„Конечно! Многу сум среќен што доаѓам во Арсенал. Се разбира и што повторно ќе играм со Мики. Среќен сум што сум дел од вака голем клуб“, изјави Обамејанг.
„Клубот има голема историја и големи играчи како Тиери Анри. Тој е пример за сите нас напаѓачите. Јас сум брз и постигнувам голови како него, но ќе треба да работам уште многу. Јас ќе го дадам најдоброто од себе си, се надевам дека Арсенал што е можно побрзо ќе се врати на врвот“, изјави напаѓачот за официјалниот канал на „топџиите“.
*This* is what @Aubameyang7 can do… ? #YoPierre pic.twitter.com/ODSPZwShNU
— Arsenal FC (@Arsenal) January 31, 2018
