Home Спорт О’Саливен е најголемиот на сите времиња!

О’Саливен е најголемиот на сите времиња!

Рони О’Саливен стигна до неговата седма светска титула во снукер и докажа дека дефинитивно е најголемиот снукераш на сите времиња.

Во финалето на Светското првенство Саливен го совлада Џад Трамп со 18:13 и така по бројот на титули се изедначи со Стефен Хендри, а бидејќи освои повеќе рангирачки турнири и држи многубројни рекорди, може да се каже дека после ова тој е најдобриот играч на снукер на сите времиња.

Трамп на отварањето на мечот го освои првиот фрејм, а потоа Рони почна да игра подобро, па после првата серија имаше предност од два фрејма (5:3). Втората сесија повторно подобро ја отвори Трамп и намали на 5.4, но потоа О’Саливен ја презема контролата во своите раце.

Играше Рони феноменално, неговата предност растеше, а после втората сесија резултат гласеше 12:5. Изгледаше дека мечот ќе биде одлучен без возбудувања, но Трамп не мислеше така.

Почетокот на вториот финален ден за него беше како од соништата. Одлично ја одигра третата серија и ја врати неизвесноста со оглед на тоа што после повеќечасовната резултатот беше 14:11 за О’Саливен.

Сепак, Рони последната четврта серија ја отвори со два врзани фрејма и тука го одлучи мечот. Се обиде Трамп со игра на сè или ништо, но не успеа, па така Рони славеше со 18:13 за историја во снукерот.

Многумина ќе кажат дека Рони О’Саливен е попознат од спортот со кој се занимава и уште еднаш покажа дека му нема рамен.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…