Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Согласно најновата, денешна, одлука на Регулаторната комисија за енергетика, бензините од ноќеска на полноќ поскапуваат за еден денар по литар, додека цената на дизелот се зголемува за половина денар. Со одлуката се врши зголемување на малопродажните цени на нафтените деривати за 0,6 отсто.
Новата малопродажна цена на ЕУРОСУПЕР БС-95 ќе изнесува 82 денари за литар, ЕУРОСУПЕР БС-98 ќе се продава за 84 денари, ЕУРОДИЗЕЛ БС (ДЕ-V) за 74, а цената на Екстра лесното масло за домаќинство (ЕЛ-1) и понатаму останува 73 денари за литар.
Со одлуката на РКЕ за 0,046 денари за килограм се намалува цената на Мазутот М-1 НС и сега ќе изнесува 46,491 денари.
Како причина за промена на цените на нафтените деривати од РКЕ ги посочуваат зголемените референтни цени на светскиот пазар во изминатите седум дена кај бензинот во просек за 3,904 отсто и кај дизелот за 2,74 отсто, како и за 1,804 отсто повисокиот курс на денарот во однос на доларот.
