Новиот Усеин Болт: 7-годишниот Рудолф е најбрзото дете на светот


Вака се слави гол во 120-та минута!!! ↓↓↓


Рудолф Инграм Јуниор веќе има свој прекар – „Големата молња“, додека други го нарекуваат следниот Усаин Болт.

Иако има само седум години, малиот веќе има свој Инстаграм профил со над 300.000 следбеници, а освен трчање, тренира и американски фудбал.

Ова момче го привлече вниманието на планетарни ѕвезди од светот на спортот како Леброн Џејмс, како и вниманието на Tampa Bay Buccaneers. Вниманието на пошироката јавност го привлече со трката на која седумгодишниот Рудолф истрча сто метри за само 13,48 секунди, што претставува американски рекорд во категоријата во која влегува неговата возраст. Малиот Рудолф почнал да тренира кога имал само 4 години.

 

View this post on Instagram

 

A post shared by Blaze The Great (@blaze_813) on

„Можам да му ја овозможам сета опрема која му е потребна за да биде одличен, но неговата сила, работната етика и волката за успех се оние нешта кои го мотивираат, движат и доведуваат до одлични резултати. Тој не сака да се чувствува како губитник. Сака да победува“, вели таткото на Рудолф.

Тој го води неговиот Инстаграм профил и ги следи неговите тренинзи. Вели дека се обидува да биде сигурен дека неговиот син ќе има нормален живот.

„Никогаш не сум пропуштил тренинг, никогаш не сум пропуштил натпревар и работам на сите негови тренинзи. Тој е голема ѕвезда за другите луѓе, но за мене е само бебе. Јас сум снимател, тренер, негов возач и сето тоа без никаков надомест. Моја желба е да го видам што посреќен во она што сака да го прави“, додава таткото.

 

View this post on Instagram

 

A post shared by Blaze The Great (@blaze_813) on

Се надева дека еден ден неговиот син ќе се натпреварува на Олимпијада.

„Но, и да не отиде на Олимпијада, не е важно. Одиме понатаму. Важно е дека секогаш стојам зад него. Мора да стоите зад вашето дете и постојано да го поддржувате, па на крајот тоа сигурно ќе стане некој во животот“, заклучува таткото.

Освен што се занимава со трчање и фудбал, Рудолф Инграм Јуниор повремено е ангажиран и како модел.