Александар Вучковски - сомелиер: Како македонските вина го освојуваат светот? ↓↓↓
На интернет е објавен нов трејлер за биографската драма „First Man“, во која Рајан Гослинг ја толкува улогата на Нил Армстронг, првиот човек кој стапна и одеше на Месечината.
Режијата е потпишана од Демијан Шазел, кој минатата година беше награден со Оскар за „La La Land“. Во новото филмско остварување, тој се обидува да прикаже како изгледала една од најопасните мисии во историјата на човештвото.
Честа да го глуми легендарниот Армстронг, како што знаеме, му припадна на Рајан Гослинг, кој со Шазел соработуваше и во неговото оскаровско филмско дело.
Покрај Гослинг, во „First Man“ глумат и Клер Фој како сопругата на Нил, Жанет, Пабло Шрајбер, Кристофер Абот, Сјаран Хиндс, Итан Ебри и други.
Премиерата е закажана за 12 октомври во САД, а потоа ќе следи кино дистрибуција ширум цел свет.
