Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
За денес е закажана нова рунда преговори на работните групи на власта и на опозицијата за законот за јавно обвинителство. Социјалдемократите велат дека ќе се постигне договор само ако ВМРО-ДПМНЕ покаже подготвеност за владеење на правото.
Опозицијата го тврди спротивното – дека власта не е заинтересирана за брзо решение. Уверува дека ставовите на ВМРО-ДПМНЕ се непроменети.
Спикерот џафери најавува дека пленарна седница за Законот за јавно обвинителство ќе свика кога ќе го добије извештајот од комисијата каде предлогот е во второ читање. Тој не ја исклучува можноста, поради различните ставови на власта и опозицијата, да не се обезбеди двотретинско мнозинство.
Преговорите се заглавени за тоа како треба да изгледа институцијата што ќе ги наследи предметите на СЈО. Владата сака да има Обвинителството за гонење организиран криминал и Обвинителството за гонење висока корупција, додека опозицијата го сака сегашниот модел, при што таа би имала одлучувачки збор за шефот на ова обвинителство.
