Диск голф го освојува светот, а го нема во Македонија!? ↓↓↓
Обожавателите на The Lion King минатиот месец ја дочекаа премиерата за новото, филмско издание на оваа анимирана приказна.
Филмот соборува рекорди во гледаност, а ги поправи и неколкуте ситни грешки во сценариото кои гледачите ги имаа „уловено“ во цртаната верзија од 1994 година. Сепак, филмот не даде одговор на едно од најголемите и најмистериозни прашања за обожавателите на оваа франшиза – кој е таткото на Нала?
На Reddit веќе со недели трае расправата околу бизарната теорија дека Симба и Нала се во сродство. Во цртаниот филм Муфаса и неговите лавици се прикажани како крал и негов харем, што би значело дека Муфаса имал односи за парење со сите лавици во чопорот, па и со Сарафина, мајката на Нала.
Оттука, една од теориите е дека Муфаса е татко на Нала, што значи дека Симба е нејзин полубрат. На Reddit оваа бизарна теорија е поткрепена со цитати од филмот, во кои Симба дава комплименти на Нала дека сè повеќе личи на Муфаса, а таа му одговара дека е добро што барем еден од нив двајца личи.
Друга теорија е дека татко на Нала, всушност, е Скар, имајќи во предвид дека во цртаниот филм единствено тие двајца имаат сини очи.
Третата теорија е онаа која им е најдрага на обожавателите. Таа вели дека во нивниот чопор повремено свраќал трет лав кој во филмот едноставно не се споменува.
