Моабет со Борче Стаменов, креаторот на "Донирај компјутер" ↓↓↓
Еден од омилените напитоци од детството, многумина возрасни го избегнуваат, убедени дека тој дебелее.
Меѓутоа не само што има пријатен вкус, туку чоколадното млеко се препорачува за луѓето од сите возрасти. Тоа е полно со протеини и јагленихидрати, поради што се советува да се конзумира по тренинг.
Колку само сте чувствувале глас по вежбањето во теретана, а сте се воздржувале да не јадете, останувајќи доследни на строгиот режим на исхрана?
Во текот на тренингот нашиот организам ги разградува амино-киселините, кои се составен дел од протеините. За да го надоместиме тој недостаток, потребни ни се протеини.
Иако многумина по тренингот конзумираат вештачки супстанци, експертите советуваат природно чоколадно млеко, богато со протеини, масти, јагленихидрати и електролити кои се потребни на нашето тело по напорното вежбање.
Според податоците од истражувањето, објавено во магазинот „European Journal of Clinical Nutrition“, чоколадното млеко често се споредува со други спортски напитоци, како и со пласибото.
Истражувањето покажа дека чоколадното млеко дава слични или подобри резултати споредено со наведените алтернативи.
Експертите истакнуваат дека најголемата предност од чоколадното млеко во совршена комбинација на протеини, и едноставната апсорбација на шеќер, односно јагленихидрати.