Голем празник ни се приближува и време е да си ги засукаме ракавите и да подготвиме богата трпеза.
Зошто оваа година да не ги изненадите вашите најблиски со вкусна велигденска плетенка? Плетенката е свечен леб кој, покрај одличниот вкус, претставува и убава празнична декорација на трпезата. Може да биде округла, овална или во форма на срце.
Плетенка – состојки:
- 500 грама бело брашно
- едно кесиче сув квасец
- 2 белки од јајца
- 50 грама шеќер
- ванилин шеќер, сол
- 250 милилитри павлака за матење
- млеко за премачкување
Плетенка – подготовка:
Брашното ставете го во подлабок сад и измешајте го со сувиот квасец. Додадете малку млака вода, павлаката за матење и другите состојки, замесете тесто и оставете го да нарасне. Од тестото оформете три еднакви ленти, исплетете ги во плетенка и ставете ја во тава за печење. Измешајте жолчка од јајце со една лажица млеко и премачкајте ја плетенката. Печете околу половина час на температура од 180 до 200 степени Целзиусови.
