Александар Вучковски - сомелиер: Како македонските вина го освојуваат светот? ↓↓↓
Веќе знаете дека витаминот Ц е од исклучително значење за здравјето на организмот и имунолошкиот систем. Еве како да направите домашен витамин Ц и бидете сигурно дека внесувате доволно.
Секако, секогаш е опција да купите суплименти витамин Ц, но домашната верзија е секогаш поздрава дотолку што нема дополнителни шеќери.
Тогаш, како да направите природен витамин Ц во прав?
Едноставно е – исушете кора од некое овошје како лимон, портокал, лимета, мандарина, и оставете ја на тацна да се исуши неколку дена. Доволно ќе биде да се суши три до четири дена, а ако пука додека ја фаќате, значи дека е сува. Потоа, ставете ја во блендер за да добиете прав или изрендајте ја на што е можно поситно.
Вака добиениот витамин Ц можете да го додадете во храна, во јогурт, да го помешате со мед, да го додадете во смути напитоците.
Ако се прашате зошто едноставно не би го изеле тој портокал, наместо да ја рендате кората, еве го одговорот: Секако дека можете и треба да изедете овошје, но витаминот Ц е многу поконцентриран во кората отколку во самото овошје. На пример, во 100 грама кора од портокал се наоѓа 136 милиграми витамин Ц, додека во истата количина овошје се наоѓа 71 милиграм од витаминот, така што, речиси двојно.
Затоа со конзумирање на кората ќе внесете многу повеќе витамин Ц отколку со јадење на овошје или земање на суплименти. Доволно е да внесете лажичка вака направен витамин, за да ја внесете потребната доза витамин Ц.
Она што е исто така добро, е што кога ќе ја изрендате кората или со помош на блендер ќе ја направите во прав, рокот на траење е до три месеци ако го чувате на темно и суво место, а до шест месеци ако го држите во замрзнувач.
