Александар Вучковски - сомелиер: Како македонските вина го освојуваат светот? ↓↓↓
Родителите од младиот Германец кој работел на Нов Зеланд беа принудени да ја дадат нивната куќа под хипотека за да ја платата неговата судска казна која судијата ја опиша како „една скапа текстуална порака“.
Откако бил избркан од работното место во фабриката за млеко во прав недалеку од Бленхајм, на Јужниот остров, минатиот октомври, Максимилијан Кристијан Цукер на својот бивш шеф му пратил СМС порака во која му пишал дека „оставил мал подарок на производствената линија за млеко во прав“, пренесува Marlborough Express.
Половина час подоцна, 21-годишното момче пратило уште една порака во која пишало дека станува збор за шега, но компанијата веќе започнала процедура за уништување на контаминирани производи во скалд со законите за дејноста.
Компанијата била принудена да исфрли цела пратка за извоз поради неговата невкусна шега. Оттаму соопштиле дека вкупниот трошок за пратката, ден после спроведеното уништување на производите и обидот за надомест на изгубеното време изнесува речиси 190.000 новозеландски долари (околу 130.000 американски долари).
Како што се наведува во новинарскиот извештај, семејството на младиот Германец било принудено да ја стави под хипотека куќата со цел да ја исплати казната од 19.000 долари која му беше изречена од окружниот суд во Бленхајм, како и неговите трошоци за живот додека чека изрекување на казната во Нов Зеланд.
