Најмалку 8 загинати и 12 повредени во нов бомбашки пекол во Дамаск


Вака се слави гол во 120-та минута!!! ↓↓↓


Најмалку осум лица загинаа, а 12 се повредени во напад на бомбаш самоубиец во источниот дел на Дамаск, јави сириската државна телевизија.

Сириската полиција пресретнала три автомобила бомби, од кои два биле погодени и имале контролирани експлозии на влезот во градот, додека третиот автомобил успеал на навлезе во самиот град, а бомбашот самоубиец го активирал експлозивот додека бил опколен, пренесоа француските медиуми.

Сириската агенција Сана ја пренесе изјавата на полициски функционер кој изјави дека терористите симултано кренале во воздух три автомобила, два на пат кон аеродромот во Дамаск и еден во источниот дистрикт на градот, Сахат ал Тахрир.

Сирискиот полициски функционер изјави дека во експлозиите погинале или се повредени неколку цивили.

Според изјави на очевидци, експлозијата што уследила по пукањето се слушнала околу 6 часот утринава, а на лице место се наоѓаат припадници на Црвената полумесечина, кои им помагаат на повредените.