Диск голф го освојува светот, а го нема во Македонија!? ↓↓↓
Во вторникот вечерта, во Јужниот океан, научниците забележаа огромен бран со висина од скоро 24 метри, што е еднакво на висината на осумкатна зграда.
Бранот настанал на оддалеченост од 700 километри од Нов Зеланд, а бил снимен од специјална пловка за собирање податоци и изгледал навистина грандиозно.
Океанографот Том Дјурант изјави дека овој бран го срушил претходниот висински рекорд на бран кој изнесувал 22,03 метри, а бил забележан во 2012 година.
„Според нашите сознанија, станува збор за најголемиот досега снимен бран на Јужната хемисфера“, вели Дјурант, додавајќи дека токму Јужниот океан е како некоја фабрика за создавање огромни бранови.
Тој истакна и дека сурферите во Калифорнија за околу седум дена можат да очекуваат овие бранови да стигнат до нивниот брег, но секако, многу пониски.
Најголемиот бран во историјата на планетата Земја е забележан на Алјаска во 1958 година и имал висина од 30,5 метри.
