Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Барселона во своето славно минато ги направи некои од најголемите и најдобри трансфери, како на пример Самуел Ето и Роналдињо, кои дојдоа за релативно мали пари, а потоа станаа едни од најдобрите во светот.
Но, и покрај фактот што имаа одлични избори кога се трансферите во прашање, сепак раководството на каталонскиот клуб знае да направи и катастрофални грешки. Барса направи големи грешки со пуштање на млади фудбалери кои подоцна станаа светски ѕвезди, но и со непотпишување на играчи кои им биле пред нос.
Еден таков играч денес е најголема желба на Барселона. Не така одамна бил окарактеризиран како недоволно добар за Барса после пробата која ја имал во „Ла Масија“, а неговото име е Кристиан Ериксен.
Денес Ериксен е еден од најдобрите играчи за врска во Европа, и архитект на играта на Тотенхем кој се бори за титулата во Премиер лигата. Данецот е најголема летна желба на Барселона бидејќи сметаат дека е соврешен за нивниот стил на игра – одлично се движи, не губи топки, има соврешен преглед и беспрекорен последен пас. Одлично изведува прекина, а активен е и во дефанзива – се она што и треба на Барса.
Ериксен е моментално најдобриот асистент не само во Премиер лигата, туку и во Европа, а доколку Барса сака да го донесе на „Камп Ноу“ ќе треба да издвои цели 70 милиони евра.
