Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Над 100 луѓе кои се вработени во поранешната официјална резиденција на кралот Чарлс III. добиле известување дека можат да останат без работа, пишува Гардијан.
Личните секретари, канцеларијата за финансии, тимот за комуникации и персоналот во домаќинството ја примиле веста за време на мисата за кралицата во Св. Гилс во Единбург. На списокот се и оние кои со децении работеле за кралот.
„Сите се апсолутно бесни, вклучително и приватните секретари и високиот тим. Целиот персонал од четвртокот работи деноноќно за да го извлече најдоброто од ситуацијата, па не е изненадување што сите се видно потресени“, изјавил извор близок до кралското семејство за медиумите.
Гардијан видел писмо од главниот помошник на кралот, Сер Клајв Алдертон, во кое, меѓу другото, пишува:
„Промената во улогата на нашите лидери значи и промена за нашето домаќинство… Работните места претходно споделени во ова домаќинство, поддржувајќи ги личните интереси, поранешните активности и домаќинството на поранешниот принц од Велс, повеќе нема да се извршуваат а домаќинството во Кларенс Хаус ќе биде затворено.
Затоа, се очекува дека повеќе нема да има потреба од работни места кои главно се сместени во Кларенс Хаус, чија работа ги поддржува овие области. Знам дека ова е вознемирувачка вест, затоа сакам да ве известам за поддршката што ви е достапна во овој момент“.
Сè уште не се донесени конечни одлуки и, наводно, работните места ќе останат отворени за персоналот кој обезбедува „директна, блиска, лична поддршка и совети“ на Чарлс и неговата сопруга Камила. На отпуштените работници, наводно, ќе им биде понудена помош за наоѓање алтернативно вработување во сите кралски домаќинства, а исто така треба да добијат и отпремнина.
