Александар Вучковски - сомелиер: Како македонските вина го освојуваат светот? ↓↓↓
Собраниската 27-ма седница која треба да продолжи денес, на дневен ред го има изборот на уставни судии и Предлог-законот за употреба на јазиците. Она што сѐ уште е неизвесно во врска со оваа седница е дали пратениците од ВМРО-ДПМНЕ ќе присуствуваат на истата.
Од ВМРО-ДПМНЕ неофицијално велат дека барем меѓу пратениците нема одлука дали ќе учествуваат во работата на Собранието, а претседателот на партијата, Христијан Мицкоски за Алсат-М најави дека партијата утре ќе одржи координативен состанок на кој ќе одлучат како понатаму ќе делуваат.
Инаку, во текот на јануари закажани се продолженија на шест седници и две собраниски комисии, меѓу нив и за ратификацијата на Договорот со Бугарија, како и обраќањето на генералниот секретар на НАТО, Јенс Столтенберг.
Денеска на дневен ред е и Законот за јазиците, за кој власта досега не сакаше да се гласа во отсуство на опозицијата. Пратениците од СДСМ сметаат дека ВМРО-ДПМНЕ треба да се врати во Собранието, бидејќи тоа го очекуваат и граѓаните.
ВМРО-ДПМНЕ го бојкотира Собранието по приведувањето на шест опозициски пратеници за настаните од 27. април. Токму поради притворот, неизвесно е и како ќе функционираат десетте пратенички групи на кои се подели опозицијата.
