Диск голф го освојува светот, а го нема во Македонија!? ↓↓↓
На новото судско рочиште кое денес во Кривичниот суд се одржа за случајот „Монструм“, се читаа транскрипти од нелегално прислушувани разговори во УБК во врска со убиствата на четирите деца и рибарот кај Смилковското Езеро во 2012 година.
Во првите разговори кои беа прочитани во судница разговараат непознати лица за јавноста, а еден од нив околу 21 часот веќе е информиран за масакорот, бидејќи на повеќемина соговорници им се јавува и им кажува дека е на работа и само што добил информација дека се убиени пет лица, пренесува Фокус.
Во сите разговори едно од првите прашања е дали убиените се Македонци или Албанци?
-Не се знае кои се, дали Албанци или Македонци, вели еден од соговорниците.
Друг соговорник прашува: Дали се Албанци или неверници?
Наредниот ден по убиството исто така разговараат непознати соговорници, кои меѓусебе разменуваат информации за можните мотив и сторители. Сите заклучуваат дека тоа што се случило е страшно и дека е тешко да се најдат сторителите.
-Нема да ги најдат сторителите, и да се наши треба да се расчисти, ова е страшно, вели еден од соговорниците.
