Од ноќеска, на полноќ, цените на бензините во Македонија ќе се зголемат за за два денари за литар, а на дизелот за денар и половина, одлучи денеска Регулаторната комисија за енергетика (РКЕ).
Според одлуката на РКЕ, новата цена на еуросупер БС-95 ќе биде 86 денари за литар, еуросупер БС-98 ќе се продава по цена од 88 денари за литар, а дизелот по цена од 87 денари за литар.
Од полноќ за еден денар поскапува и екстра лесното масло за домаќинство, кое ќе се продава за 85 денари за литар.
Исто така, се зголемува и малопродажната цена на мазутот за 0,510 ден/кг и сега ќе изнесува 52,294 ден/кг.
