Спорт

На Мурињо му е преку глава, руши светски рекорд за дефанзивец

Жозе Мурињо во текот на целиот преоден рок инсистираше да доведе врвен дефанзивец, но на крајот не успеа во својата намера.

Веќе во првите натпревари од сезоната се покажа дека „болната точка“ на Манчестер Јунјатед е токму одбраната, па „Специјалниот“ не се откажува од намерата да ја засили дефанзивната линија.

Прва мета беше Алдервајлед, но Белгиецот остана во Тотенхем, а следното лето ќе може да замине за 30 милиони евра.

Потоа на мета на „црвените ѓаволи“ беше и Хари Мекгваер, но Англичанецот неодамна го продолжи договорот со Лестер и таа опција отпадна.

Сега ангиските медиуми тврдат дека Жозе Мурињо е спремен да понуди неверојатни 120 милиони евра за својот „миленик“, Рафаел Варан.

Иако е тешко да се замисли ваков трансфер, Варан би станал најскап дефанзивец во историјата и еден од најскапите фудбалери на сите времиња.

Сепак, Реал Мадрид тешко дека ќе се откаже од својот дефанзивец и е спремен да ја одбие ваквата понуда, но Мурињо е во добри односи со Французинот е и спремен да му понуди поголема плата.

Англиските медиуми тврдат дека клубот му дал зелено светло на Мурињо, кој нема да жали пари да го донесе Варан во своите редови.

loading...
Најсвеж македонски забавен портал... и нешто повеќе!


Учество во игри на среќа е дозволено за лица со 18+ години. Играј одговорно!

To Top